أرسل القارئ محمد عبد القادر، شكوى من إنتشار مرض "حمى الضنك" فى مدينة القصير بمحافظة البحر الأحمر منذ أكثر من شهر، دون علم سبب إنتشاره فجآة.
وقال القارئ فى شكواه التى أرسلها عبر خدمة صحافة المواطن التى تقدمها "اليوم السابع"، "بقالنا اكتر من شهر المرض بينتشر ومحدش عارف السبب ومفيش مسئول حتى قال كلمة وفي حالات اتوفت بسبب الموضوع ده والنهاردة في مدرسة الشهيد سباق مايقرب الى مائة طالب تم اصابتهم بالحمى ومفيش مكان في المستشفى ومفيش دكاترة والمستشفى بينها وبين البلد حوالي 8 كيلو، انا بطلب بنشر الموضوع ده لمساعدتها اهل البلد.
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
عدد الردود 0
بواسطة:
Abdoo
شكرا اليوم السابع ... الحقنا يا ريس
والله العظيم كل بيت فيه من 4 ل 5 حالات مصابة بالمرض والحرارة العالية بتهلك في جسم الأطفال والكبار والشباب ... كل بيت أصحبت فيه كارثة مرضية ومش قادرين نلاحق على الصغير ولا عالكبير والله عندنا في عائلتنا 13 فرد مصاب : أطفال وشباب ورجال وسيدات ... السادة المسئولين بيبعتوا تحذيرات للمعامل مايقولوش للناس فيه إيه ؟ وفي المستشفى ممنوع تصوير أو نشر الأعداد والحالات اللي بتدخل المستشفى ... أصحاب السيارات مشكورين بيعلنوا عن أرقام تليفوناتهم لنقل الحالات بالمجان ... المدارس نسبة الحضور فيها لا تتجاوز ال 15 % بسبب انتشار المرض بين الأطفال والمعلمين ... استغاثات يمين وشمال ... في الآخر عرفنا إن السبب \إن خطوط المياه الرئيسية متركبة من حوالي 35 سنة وأصبحت متهالكة ... ولما الناس بتشغل المواتير في اليوم الوحيد اللي المسئولين بيفتحوا لهم الميه فيه بتسحب المواتير من مياه صرف الترنشات اللي حوالين المواسير بسبب تهالك الشبكة دي ... ولا مغيث من المسئولين في الإدارات المختلفة اللي انعدمت ضمايرهم وخايفين يعلنوا إن فيه كارثة صحية علشان مايتحاسبوش على ال250 مليون اللي اتصرفت لمشروع الصرف الصحي اللي ما اكتملش ... و3 محطات اتصرف عليها وماشتغلتش... ولو في مسئول بيخاف ربنا يروح ويشوف شبكة الصرف اللي اتردمت من غير ما تكمل ولا تشتغل وبقالهم 15 سنة يحفروا ويسبوها تتردم ... والمنازل شغالة في المدينة على الترنشات في البيوت ... نداء إلى السيد الرئيس ... أغيثوا الأطفال .. النساء .. الشباب .. الكبار ... يرحمكم الله ...