علق المهندس جون طلعت عضو لجنة الاتصالات وتكنولوجيا المعلومات بالبرلمان على قرار تخفيض القيمة الفعلية لكروت الشحن، قائلا: كنا نطالب بتحسين الخدمات والشبكات وهو ما يحمل الشركات تكلفة عالية نتيجة زيادة السولار والكهرباء والأجهزة التى يتم استيرادها بالعملة الصعبة، وهو ما يتطلب رفع سعر الخدمة وكروت الشحن.
وأضاف طلعت، فى تصريح لـ"اليوم السابع"، أن الموبايل يعتبر سلعة استهلاكية وليس استراتيجية ومن حق الشركات أن تحقق مكاسب لأن المستثمر الأجنبى يسعى لتحقيق ربح عال، ومازال سعر الدقيقة رخيص، ومصر بها أرخص سعر للدقيقة، متابعا أتوقع الإعلان عن المزيد من العروض خلال الفترة المقبلة خاصة بعد انطلاق الشبكة الرابعة للمصرية الاتصالات، ما يزيد من التنافسية مع الشركات الأخرى متابعا تخفيض القيمة سيعوضه العروض التنافسية بين الشركات.
عدد الردود 0
بواسطة:
مواطن
سؤالين و بس !!!!!!!!!
السؤال الاول اللي بيطرح نفسه انت مع الشعب اللى انتخبك و لا مع شركات القطاع الخاص بتدافع عن حقوق مين ؟ السؤال التاني بطرح نفسه برضوا و الله مش انا اللى طرحته . حضرتك قابض كام ؟
عدد الردود 0
بواسطة:
فرعون
اصمتوا
اصمتوا أفضل لكم. تنافسي ايه يا نايب ؟ هو مش عارف ان كله بأمر من هيئة الاتصالات؟ يعنى مش كفايه ما بتعملوش حاجه كمان بتستفزوا الناس .
عدد الردود 0
بواسطة:
محمد
اسكت أحسن.....
من حقها تكسب لكن الضرب فى الميت حرام....الشركات دى ياما كسبت وممكن تضحى شوية من مكاسبها لغايةما الاحوال تتصلح...انما لا حياة لمن تنادى
عدد الردود 0
بواسطة:
خالد
يعني ايه
هو النائب البهيم ده الناس منتخباه عشان يطلع يقول الكلام إللي الحكومة عاوزاه ؟ طب يا بهيم ما احنا أقل دول العالم مرتبات و اعلي ضرائب ليه بقي ما تتحركش وتجيب حقنا يا بهيم
عدد الردود 0
بواسطة:
000
اعضاء مجلس البرطمان
طيب شوف دخل الفرد في الخارج وشوف هنا يمكن انت مش شايف قرص الطعميه بتاع الغلابه وصل خمسون قرشا وكل الاسعار في الطالع ومافيش حد يدافع عن الغلابه كنا لناخذ معاش 1200 جنيه في الشهر قولنا الحمد لله وبعد تعويم الجنيه وصل المعاش 200 جنيه او اقل بصوا بعنيكم الناس تعبت علي الاخر خلاص مش قادره تستحمل ارجو النشر ومتخافوش
عدد الردود 0
بواسطة:
بنت مصرية
بتفتكروا انها أرخص وبتنسوا انه أقل !!
هو ليه كل ما الشعب المصرى يشتكى من ارتفاع سعر أى سلعة , أيا كان نوعها , اتصالات , مية , كهرباء , غاز , بنزين , أكل , علاج , تعليم ............, بيكون رد المسئول أو النائب , ده أرخص سعر للسلعة دى فى العالم كله , وبينسى انه برضه متوسط دخل المواطن المصرى أقل متوسط دخل على مستوى العالم كله !! لو متوسط الدخل فى مصر 2000 جنيه للمواطن فده معناه انه بالدولار حوالى 117 او 118 دولار , مفيش مواطن فى الدنيا كلها دخله 118 دولار فى الشهر !! ده طبعا لو متكلمناش على ان فيه ماطنين كتير دخلهم الشهرى نص المبلغ ده أو اقل من نصه كمان !! ليه ديما بتفتكروا ان عندنا أرخص سلع وبتنسوا ان المواطن المصرى مصنف عالميا تحت خط الفقر !! احنا معندناش مانع ان سعر السلع فى مصر يتساوى مع سعرها العالمى , بشرط ان الدخول فى مصر تتساوى بالدخول العالمية !!
عدد الردود 0
بواسطة:
الحاج عصام الفقير
اسمه مجلس طز فى المواطن ....
طيب والايجارت القديمة اللى اصحاب العمارات مش لاقيين ثمن الدواء ايه رأى حضرتك فيه ولا انتم اصدقاء كل من ياكل السحت ومناصرة الظالم على المظلوم ..........
عدد الردود 0
بواسطة:
زيزو
يعجبنى قوى النائب الجرىء اللى يقول الحق بغض النظر عن شعبية مزيفة
انا لا احترم النائب الذى يدغدغ مشاعر البسطاء ويهتف ويتشنج وعايش فى دور زعيم الامه الذى يناضل من اجل تحرير البلاد من احتلال الحكومة المصرية!!!....والغلابة تجيب منين.....والكلام الفارغ وعينه على الانتخابات القادمة!!، فعلا التليفونات سلعة ترفيهية ويستخدم معظمها فى الرغى والشات والفيس والباقه والافلام اياها...وفعلا التكلفة زادت جدا خصوصا مع دخول الجيل الرابع والسعر ثابت من سنين....والمنافسه بين الشركات الاربع كفيلة بتحقيق سعر عادل مع مراقبة الحكومة للمنافسة العادلة و لعدم الاحتكار والمبالغة فى السعر و لجودة الخدمة
عدد الردود 0
بواسطة:
عماد
ليست الاتصالات وحدها يا سيد هي المستفذة
رئيسنا حبيبنا انت قولت ظروفنا صعبة جدا والكل لابد ان يقف بجوار الدولة وموافقين ومرحبين لكن ان يكون البترول حكر علي من فيه ويتوارثوه الابناء والاحفاد وكذلك يتم صرف ارباح 22 شهر للعاملين فيه وباقي الشعب يلهث هذا حرام وانتخبناك رمزا للعدل الذي كنا ننشده فيك ولكن يبدوا ان هناك من له راي آخر وهو اثارة البلبلة في البلد هل سيادتك هذا وقت ارباح وارباح لشركات في الاصل خاسرة ومليئة بالعمالة الزائدة احسب سيادك عدد العاملين في البترول واضرب في 22 شهر وشوف المحصلة كم هل انت موافق علي ذلك ثم اذا كان البترول يربح هكذا لماذا نحن دولة مديونة ومستوردة للبترول والله يا سيدي ان استطعت ان تقيم عدالة وظيفية في البلد ان الناس ستعبدك عبادة وعلي فكرة انا اكتب هذا وانا معلم متقاعد بسبب المرض وليس لي معاش ولا تامين صحي واحبك ليس نفاقا ولا خوفا وانما ثقة فيك
عدد الردود 0
بواسطة:
aa
كدابين كدب
سعر الدقيقة فى الدول العربية تساوى بالمصري 8 قروش مع فرق الرواتب وفى الدول الأوربية تساوى سنت أمريكى يعنى بالمصري 17 قرش مع فرق الرواتب إنما فى مصر سعر الدقيقة يساوى = مزاج الدولة وربنا يريحنا منكم ومن أمثالكم من اصغركم إلى الرئيس المحترم كلكم فى 60 أو 67 داهية