يستضيف جناج دار ضاد للنشر والتوزيع، بمعرض القاهرة الدولى للكتاب، حفل توقيع كتاب "برج طاقق"، للكاتبتان مروة سلامة ونسرين سلامة، والصادر عن مؤخرا عن الدار، وذلك يوم الأثنين 29 يناير الجارى، الساعة الرابعة عصرا.
والرواية هى أول رواية مصرية تتناول صفات أبراج الرجال على مدى الـ12 برج، ونقرأ على غلاف الكتاب "وعلى عكس معظم بنات جيلى اللى بتخاف من العمر والسنين اللى بتجرى كأن بيجرى وراهم كلب مسعور وخايفين ليدهسهم قطر الجواز، كل الحاجات دى ملهاش عندى أى اعتبار ماكنش يهمنى أبدًا هاتجوز إمتى ولا عمرى قلقت على نفسى لاحسن أكبر ويفوتنى القطر اللى بيقولوا عليه، وهاتسغربوا قوى لو قلتلكم إن كل اللى كان بيشغل بالى ومعلق فى نافوخى العريس برجه ايه؟ علشان أعرف هايمشى مع برجى ولا لأ، ولأن كتب الأبراج هى أكتر الكتب اللى ماليه بيها مكتبتى طبعًا مع كل كتب الفنون بأنواعها، بس النوعية دى من الكتب بالنسبة ليا هى البلورة السحرية اللى بحب أشوف فيها العالم من حواليا وكتير جدًا أسمع من أصحابى أو إخواتى الكبار إن طريقتى دى غلط، لكن أنا كنت مقتنعة جدًا إن كل برج له صفاته المعروفة واللى رصدتها كتب الأبراج وأرشفتلها".
"وعلشان كده لفيت على الـ12 برج وقابلت من كل برج أشكال وألوان من العرسان .. مشغلنيش موضوع التوافق بين الأبراج فى الدراسات اللى مالية الكتب اللى من النوع ده، على قد ما شغلنى صفات كل برج ويا ترى هعرف أتعامل معاه ولا لأ؟ .. وفى كل مرة كانت بتحصل لى مفاجأة".
![رواية برج طاقق رواية برج طاقق](https://img.youm7.com/ArticleImgs/2018/1/26/64369-رواية-برج-طاقق.jpg)
رواية برج طاقق
تم أضافة تعليقك سوف يظهر بعد المراجعة