نشر المطرب الشاب أحمد جمال مجموعة صور عبر حسابه الشخصى على موقع التدوينات القصيرة "تويتر" للمئات من جمهوره فى الحفلات وجوائزه التى حصل عليها، لكن علق عليها: "أنا معنديش جمهور"، وأنا مش ناجح"، ما آثار اندهاش متابعيه عن كتابته ونشره هذه الصور.
وبعد نشر "جمال" الصور، علق فى بوست جديد يوضح فيه سبب نشره هذه الصور والتى أوضح أنه كان يقصد أن يوجه رسالة دعم وتشجيع لأى شاب يبتدى حياته العملية، وأنه لا ييأس.
وكتب أحمد: "أنا عارف أنتم مستغربين من آخر بوستات نزلت وبتسألونى ليه كل ده، أنا هقولكوا ليه.....!! بس أنا دلوقتى بكلم الشباب الطموح اللى نفسه يحقق لنفسه مكان وكيان كبير، ولما حد يستفزك فى نجاحك أو يحاول دايما يحبطك أو يوقفك طبيعى يبقى ده الرد ويكون الرد بتعبك ومجهودك وشغلك مش بالكلام حتى لو كان المشوار لسه فى أوله.. الرسالة من البوستات اللى فاتت كانت واضحة.. يمكن كنت عصبى شوية بس ده طبيعى ما كلنا بشر".
وأضاف "وصدقونى الإنسان اللى عايز ينجح دايما غيور على شغله وحريص على أنه يبقى قد ثقة الناس اللى بتدعمه وواقفة جنبه من البداية وعمر الثقة بالنفس ما كانت غرور.. النجم محمد صلاح لما قال فى 2014 أنا هفوز بجايزة أحسن لاعب فى أفريقيا وعملها فى 2017 كان واثق فى نفسه ماكانش مغرو، والعندليب عبد الحليم حافظ أكتر واحد كان بيعانى فى بداياته وقابل صعوبات وإحباطات مالهاش عدد كان واثق من نفسه وشايف وعارف هو هيوصل لفين".
وتابع المطرب أحمد جمال "اللى أنا عايز أقوله لكل الشباب والله العظيم وأنا بكلمكم زى إخواتى دلوقتى إن كل واحد فيكم هيفضل يسمع انتقادات طول ما هو عايش، وفى كل المجالات مش الفن بس، لكن اللى بيكمل هو اللى واثق من نفسه وبيسد ودانه وبيمشى ورا حلمه مش شايف غيره وساعتها نجاحه هو اللى بيتكلم بالنيابة عنه كلمة أخيرة قولتها وبقولها وهفضل أقولها لحد آخر نفس "أنتم صناع النجاح وأنا بكبر بيكم".
.png "1 (1)")
.png "1 (2)")
.png "1 (3)")
.png "1 (4)")
