وجه النجم نبيل الحلفاوى رسالة إلى محمد صلاح لاعب المنتخب الوطنى ونادى ليفربول الإنجليزى رسالة حب ودعم له، عبر حسابه الشخصى على موقع التدوينات القصيرة "تويتر" قائلا: "خلاص يا جميل.. انتهت هيصة الجوائز والاستفتاءات وفرحنا وحمدنا ربنا.. يا رب دايما.. دلوقت تقدر ترمى ورا ضهرك وترجع تتفرغ للى أمتع من كل الجوايز".
وأضاف: "المتعة اليومية فى اكتساب المزيد من المهارة والقوة فى التدريبات ثم متعة عناق الكورة للشبكة سواء إنت اللى شيعتها أو أهديتها لزميل.. استمتع يا أبو الكباتن".
ورد عليه "صلاح" بتغريدة أخرى قائلا له: "حبيبي يا قبطان لا تقلق"، فرد عليه "الحلفاوى" قائلا : "مطمن والله.. بس الروشة اللي كنا فيها بتشتت لكن عارف إنك بتتوازن بسرعة دي بس تهنئة على إنك هتفضى للمتعة الحقيقية ربنا يحميك وينصرك دايما".
نبيل الحلفاوى
تم أضافة تعليقك سوف يظهر بعد المراجعة