رفعت جماهير الأهلى شعار، "للصباح الباكر"، لمواصلة حفلها على جماهير غريمها التقليدى الزمالك، بعد أن تلقى الأبيض ثلاثية نظيفة فى المباراة التى جمعت الفريقين ضمن منافسات الجولة السابعة عشر بالدورى الممتاز، وأقيمت على استاد القاهرة.
واحتلت المباراة قائمة الأكثر تداولاً بموقع التدوينات القصيرة "تويتر" بالكامل، فى مصر والعديد من دول الوطن العربى، بــ 10 هاشتاجات، هى "القمة – مدحت شلبى – وليد سيلمان – عبد الله السعيد – باسم مرسى – على جبر – احمد الشناوى – الشوط الثانى – حسام البدرى – السيرك القومى".
قائمة تويتر
وشارك على الهاشتاجات عشرات الآلاف من التعليقات التى تسخر من آداء النادى الأبيض، وقال أحد المشاركين: "أنا عايزك تخسر من فرق الدورى ويتحط عليك وتنافس على مركز تالت وتيجى قدام الأهلى عشان مسكت كام كورة تقول هو الحظ مش ناوى يضحكلنا ولا إيه".
وكتب آخر المشاركين على الهاشتاج "إزاى يذيعوا الماتش المفروض كانوا كتبوا +21 فوق كدة ع الشمال"، بينما كتبت إحدى المشاركات الزملكاويات على المباراة "مش متفاجئة خالص انا كنت عارفة السيناريو والحمد لله إنها جت على 3 بس".
بينما علق أحد المشاركين قائلاً " اللى صعبان عليا أكتر من الزمالك الإسماعيلاوية اللي كانوا مستنين الزمالك يكسب عشان يتصدروا"، وقال آخر " والله لو عندى نص تفاؤل الزمالكاوية كان زماني بقيت مرتاح في حياتي"، وكتب أحد المغردين "برغم الهزيمة دى أنا شايف إن الزمالك لو كان لعب بالمستوى والتشكيل ده فى كل الماتشات اللى لعبها من أول الدورى كان خسر شوية الماتشات اللى كسبها".
و كتب الإعلامى عمرو أديب تغريدة عبر حسابه الشخصى بموقع التدوينات القصيرة تويتر قائلاً "وعد مدرب الزمالك بعدد من المفاجآت فى مباراة الأهلى بصراحة كلها كانت مفاجآت سعيدة لأصحاب الفانلة الحمراء".
جانب من الكوميكس
الكوميكس
جانب من الكوميكس
الأهلاوية
حفلة الأهلاوية
عمرو أديب
كوميكس
