استغاثت أم بوزارة الصحة وأهل الخير فى توفير لبن "جالاكتومين 19، و17" غير متوفر فى الأسواق المصرية، لعلاج ابنتها المريضة، التى تعانى من إسهال مزمن وقصور فى وظائف الأمعاء فى امتصاص السكر، وبحاجة ماسة إلى لبن "جالاكتومين 19، و17"، كمصدر لتغذية مناسب لطفلة بديلا عن أى ألبان أخرى، وهذا للبن غير متاح بالأسواق المصرية.
وقالت الأم إيناس عبد الجواد لـ"اليوم السابع": "بنتى اسمها رؤى عمرو أحمد عمرها ثلاثة شهور عندها قصور فى وظائف الأمعاء وسوء امتصاص السكر، علاجها الوحيد نوع لبن للأسف مش موجود فى مصر كلها، ووزارة الصحة مش بتستورده ولما دورت عليه أجيبه لقيت سعر العلبة فى الإمارات بـ8 آلاف جنيه وبتكفى يومين فقط، اللبن اسمه جالاكتومين 19 أو 17".
وأضافت الأم: "ابنتى الآن فى مستشفى أبو الريش المنيرة برعاية الأطفال الدور الثامن، وأنا مدرسة لغة عربية فى مدرسة خاصة، وبقبض 750 جنيها فى الشهر، ومن كتر عدد مرات الإسهال لابنتى وفقد جسمها للعناصر حصلتلها حموضة فى الدم والحموضة عملتلها أزمة نفس، واتحطت على جهاز التنفس الصناعى، والنهاردة سكرها انخفض جدا، وهى دلوقتى عايشة على المحاليل"
للتواصل مع الحالة: 01274578767
التقرير الطبي
