السنجلة جنتلة
مش عقدة و بهدلة
ولا تسرع وهرجلة
وفى الاخر قندلة
السنجلة جنتلة
ولا جواز هرولة
و تقلب بمهزلة
وأخرها ولولة
السنجلة جنتلة
ولياليه أُنْس وجلجلة
ومزاج عالى وصهللة
مع أصحاب مرجلة
السنجلة جنتلة
والارتباط عايز شخللة
والعقل فى برجلة
تقلب معاك بسحولة
السنجلة جنتلة
فلوس وأصحاب متلتلة
ونفس عل الحياة مقبلة
والحاجة تبقى مؤجلة
بالراحة ولا حاجة مستعجلة
وردة والعيون متكحلة
وبرنس ف أعلى مرحلة
لا رغى وشغل حنجلة
وكلام كتير فيه غَرْبَلة
لا خناق وأصوات مجلجلة
تعب وقعدة ممَلْمَلَة
وناس فى الحياة متدخلة
والشريك يقلب مندلة
تبقى مربوطة بسلسلة
كأنك تحت مقصلة
دا لو لغة التفاهم معطلة
بس النهاية ليها محصلة
حلوة لو أشجار الود مظللة
الاختيار هو المعضلة
واللى تسد تبقى مناضلة
بالتربية والقيم المتأصلة
ولا يسلم ودنه لناس مشعللة
وللشر غاوية وفاعلة
وف حياتك متوغلة
لا تمشى مع القافلة
ولا الناس عليكم محفلة
وف حياتكم متطفلة
والعيشة ف دوامة ومشكلة
الاستخارة لو النفس مقلقلة
ولو فيها عرقلة
على ربك الناس متوكلة
ابن امه شخصيته مخلخلة
ناقص وتربية مدللة
وليه تعيشى متحملة
وعلى حياتك مكملة
تعيشى فى سحولة
خدى الرجولة والمرجلة
وتصرفاته تبقى عاقلة
وسيبك برده من المدللة
او اللى عايشة مسترجلة
وف حياتها مهملة
خد اللى تبقى مسئولة
وف بيتها تطلع الاولى
يا تعيشوا مع بعض كده
يا تبقى السنجلة جنتلة
