يلا يا فارق مش هتفرق
كان زمان عندى بتفرق
خنت قلبى وعمرى تسرق
هبكى ليه ع الغدارين
يوم ما ترحل من عيونى
خد سهادك من جفونى
سيب رموشى تسك عينى
وامحُ قيدك م الجبين
صبر عمرى طال عليك
كل ذراتى تناديك
دبت فى ودبت فيك
أنت لسه كتير مدين
الحنان من قلبى جارف
خدته كله وأنت عارف
والخيانة ريحها كارف
الخسارة ضياع سنين
أوعى تترك أى شىء
حتى نظرة تبل ريق
خد معاك وش البرىء
وانسى جيم ومعاها سين؟
يلة فارق مش هتفرق
كان زمان عندى بتفرق
خنت قلبى وعمرى تسرق
هبكى ليه ع الغدارين
تم أضافة تعليقك سوف يظهر بعد المراجعة