السيسي: غياب الحوكمة أضاع حق الدولة.. و"اللى تخلف 4 هتعلمهم إزاى"

قال الرئيس عبدالفتاح السيسي، إن غياب الحوكمة تسبب فى ضياع حق الدولة فى عقود المحاجر أو الساحات والمحلات، داعيًا إلى تطبيق آلية منضبطة وشديدة القصوى لضمان الحصول على حقوق الدولة.

وأضاف الرئيس السيسي، خلال افتتاح مشروع بشاير الخير 2، بمحافظة الإسكندرية، "كل قائد تعبوى مسؤول مع مديرى الأمن والمحافظ على الكلام ده، وهنشوف هنقدر ناخد حقوق الدولة من الناس زى ما بنديهم حقهم ولا لأ"؟.

وفى سياق منفصل، دعا الرئيس السيسي الأسر إلى أهمية تنظيم النسل، معلقًا على إحدى السيدات التى قالت بأحد الأفلام التسجيلية إنها أنجبت 6 أطفال: "مش تفكرى هاتجيبى الستة تنيميهم فين؟، إحنا بنحل مسألة لكن لازم كلنا نتوقف، مجتمع مدنى، مساجد، كنائس، إعلام، حد يقول ميتعلموش، ولكن مقدرش لازم نعملهم، وانتى بتحكى الحكاية كأن أنا أو الدولة مقصرين فى حقك ..لأ والله، انتى اللى مقصرة فى حق نفسك، إنتى قاعدة فى أوضة، تجيبى 4، تنيميهم إزاى؟ تعلميهم إزاى؟ تصرفى عليهم إزاى؟، فيه حد يقول متتكلمش الكلام ده خلى الناس تحبك، والله ربنا مطلع عليا، وعالم ده مصلحة ولا مش مصلحة؟.