على الطريق وجوه وأيادى تسعى كل يوم على لقمة عيشها، يختلفون فى نوع الشغل لكن اتفقوا على طرق باب الرزق، عرقهم وتعبهم من أجل اللقمة الحلال، يدور حولهم البشر وتمر آلاف السيارات عليهم يوميا، هم الشقيانين على الدائرى، ما بين فرشة شاى وبياع مناديل وبائعى الفاكهة.
إمراة حديدية تبع الشاى
بائعة الشاى1
عزة هو اسمها الذى كان لها نصيب منه فعزة نفسها منعتها من التسول أو استجداء الناس لتربية أطفالها، فرشت على الطريق الدائرى فرشة صغيرة بأدوات محدودة من الأكواب وطبق بلاستيك تغسل فيه الكوبيات وحلة صغيرة تغلى فيها المياه، قائلة:" بجرى على اكل عيشى بالحلال بدل الحرام وبشقى علشان اجهز بنتى كمان اللى بقت عروسة بس يارب يكون حظها احسن منى".
بائعة الشاى
ثلاثة جنيهات تكفى لشرائك كوب شاى فى الخمسينة من عندها، او كوب نسكافيه، وإذا أردت أن تعدل مزاجك فيمكنها عمل كوب من القهوة لك سواء زيادة أو سادة أو مظبوطة، قائلة: "السواقين وحتى الناس العادية بتقف تأخد منى الشاى التمام، وليا زبونى اللى مبيشربش الشاى إلا من ايدى بالرغم من وجود فرش كتير على الدائرى علشان شاى بعمله زى الزبون ما يعوز".
فرشة الشاى
١٢ هو ليس مجرد رقم بل هو عدد ساعات الشقى التى تقضيها بائعة الشاى فى البحث عن حفنة من الجنيهات كل يوم، وتقول :" بفرش الساعة ٧ الصبح وبمشى ٧بليل علشان اروح اراعى عيالى واعملهم لقمة ".
مناديل يا بيه:
بائع المناديل
تترك فرشة الشاى لتسير فى اتجاه دائرى المرج لتجد رجل اربعينى هو أبو محمد، يمر بين السيارات بخفة الفراشة ليعرض بضاعته على السائقين أو أصحاب العربيات الملاكى، يختار الأماكن التى تسبق الأكمنة حتى تكون سرعة السيارات متوسطة يمكنه التنقل بينها، بصوت عالى يقول "مناديل اللى عايز مناديل 3 علب بعشرة جنيه يابلاش اللى عايز".
"مكسبى فى العلبة نص جنيه وقرش على قرش ربنا بيبارك فى القليل" كانت هذه كلمات أبو محمد الذى أكد أنه لديه اربع عيال فى المدارس يسعى على تعليمهم وتربيتهم، مضيفا "لو استنيت وظيفة ولا حد يدينى حاجة مش هيكلوا".
بائع الجواهر " الجوافة:
الدائرى 1
جمالها ورائحتها تدفعك لتسأل عن سعرها سواء كنت ستشترى أو أن رائحتها استوقفتك ثوانى لتستمد منها انتعاشة ليومك تغسل بها كل ما استنشقته من اتربة وعوادم سيارات على الطريق الدائرى، قفص الجوافة، الذى وقف شاب بجلباب صعيدى أنيق هو مصطفى ليبيعها للمارة على نزلة الدائرى.
قفص الجوافة
ويقول مصطفى:" قفص الجوافة هو لقمة عيشى ابيعها من الصبح حتى 11بليل، فموسم الجوافة حاليا هو موسم رزقى، افهم فيها اكتر من اى شىء آخر، وارضها كانى أرض المجوهرات واتعامل معها برفق كأنها طفلى الصغير"، موضحا أنه يحضرها من القليوبية التى يتم زراعتها فيها حاليا.
