يا ابن عمى
يا ابن أمى
صاحبى واخويا
وأبوك مقام أبويا
يا ابن عمى
يا حتة منى
عمرك ما خيبت ظنى
وغيابك عنى معذبنى
ليك عندى مكانة
ومقامك زايد غلاوة
أنت الأقرب منى
ليا يا ابن عمى
وأنت بعيد يا صاحبى
ولا موجود هنا جنبى
عايش من غير صاحب
مع نفسى ووجع قلبى
يا صاحبى ارجع وعود
ده الود بينا موجود
دا كفاية بس اسمك
على افيشات هوليوود
صاحبى حبيبى وكفاءة
دكتوراه فى الحداقه
أستاذ فى الشياكة
مش عافية و تناكه
جدع وصاحب صاحبه
مش بعقله لا بقلبه
لو حد محتاجك
يلاقيك واقف جنبه
لا الزمن غيرك
ولا أى مال يقدرك
واللى ما يصاحبك
ما يعرف معدنك
طول عمرك تسد
فى أى مكان بجد
وشرف لأى حد
يعرفك يا صاحبى
وفى أى وقت زنقة
ولو حسيت بخنقة
كلامك يهونها عليه
ولو فيها مشقة
دائما تحس بيا
من نظرة عينيه
من طريقة سلامى
وحوارى وكلامى
ليك منى ألف سلامة
ترجع لنا بالسلامة
يا ابو اسم ماركة وعلامة
يا سفير الابتسامة
