لم يكن حوارا جافا وصلبا، يتضمن فقط معلومات وحقائق وأرقام عن الإنجازات التى تحققت فى عهده، بل حرص الرئيس عبد الفتاح السيسي، على أن تكون هناك مساحة كبيرة من "القيم الإنسانية" و"العاطفية" فى حواره "شعب ورئيس" الذى أدلى به للمخرجة ساندرا نشأت.
وقد تكون من المرات القليلة التى يشاهد فيها المصريون رئيسهم يرتدى ملابس "كاجوال"، ويجرى حوارا ببساطة شديدة، قد يكون أشبه بالدردشة، وكلمات تخرج من القلب لتدخل القلب، رسم فيه خريطة الطريق لنهضة اقتصادية واجتماعية كبيرة، ومبشرا المصريين بتغير الظروف إلى الأفضل، ومتمسكا بالأمل بأن مصر ستكون بخير بوحدة شعبها وتماسكه.
ورغم هذا الملمح الإنسانى فى حوار الرئيس مع المخرجة اللامعة ساندرا نشأت، إلا أنه كان حريصا على توجيه العديد من الرسائل المهمة إلى الشعب المصرى، فى مقدمتها: "أن اللى جمع الشعب المصرى يوم 30 يونيو حاجة كبيرة جدا كان لابد من تلبيتها لأنى عمرى ما أتاخر عن بلدى وأهلى"، وقوله: "نفسى المصريين يصبروا شوية ووالله.. الخير جاى"، وتأكيده "لو فى إرهاب فى سيناء بنسبة 90% وأنا بنزل بيه لـ 10% دلوقتى يبقى أقدر بعون الله وإرادة المصريين ننهيه تماما"، وتصريحه "برنامج إصلاح التعليم سيتم إطلاقه العام الحالى أو القادم وسيستمر 14 عاما".
وإلى رسائل الرئيس خلال الحوار:
• طول عمرى كنت ومازلت منظم وأكثر مادة أحببتها التاريخ لأنها انعكاس لحقائق الأمم
• عمرى ما حلمت أبقى رئيس جمهورية وكان حلمى أبقى ضابط طيار
• ممكن نكتب الـ8 سنوات السابقين فى التاريخ عن طريق متخصصين مشهود لهم بالنزاهة فى كتابة التاريخ والحيادية
• أنا التاريخ عندى هو لقاء ربنا
• السيرة اللى أحبها عنى أن واحد حاول يحافظ على ناسى وبلدى وحميتها
• الوالد كصاحب قرار والوالدة كحكيمة ومستشارة وصاحبة رأى وحنكة وحكمة عجيبة كانا أول من أخبرتهم برغبتى فى الالتحاق بالثانوية الجوية
• الوالدة دورها عظيم فى تكوينى بما لها من شخصية أثرت فى فكرى وشخصيتى
• لما التحديات تزيد والمخاوف تكثر بفتكر كلام أمى
• إحنا أسرة متدينة التدين الطبيعى الوسطى بنصلى ونصوم ونعرف العيب والحرام زى البيوت المصرية الأصيلة
• أكثر شخصية تأثرت بيها عمى محمود المتوفى منذ 40 سنة لأنه كان بسيطا ومعطاء لأبعد الحدود
• لايهمنى شعبيتى بقدر ما يهمنى رضاء رب الناس وأداء الأمانة تجاه بلدى وأهلى وناسى
• اللى جمع الشعب المصرى يوم 30 يونيو حاجة كبيرة جدا كان لابد من تلبيتها لأنى عمرى ما أتاخر عن بلدى وأهلى
• الحكاية كانت حكاية مصر وأهل مصر مش حكاية عبد الفتاح السيسي
• يوم 3/7 اتكلمت مع ربنا بس لأنه هو المطلع على ما فى صدرى
• أتصور لو كان عندهم من يقدر الموقف جيدا كان الحل الأمثل هو إجراء الانتخابات الرئاسية والشعب هو الحكم إما يختاركم مرة أخرى أو يطلب ويقرر التجديد
• بنحاول بقدر ما نستطيع أن يكون هناك مجموعة من الكوادر المدربة والناس تختار منهم
• المصرى شاطر قوى وحدق أوى وذكى جدا
• أنا كإنسان لما بجاوب عن سؤال برد زى أى راجل بسيط شايل مسئولية لكن لو بجاوب كرجل دولة لازم أفكر كويس جدا
• نفسى المصريين يصبروا شوية ووالله.. الخير جاى
• عبد الناصر كان وطنيا شديد الحب لبلده ووطنه العربى
• السادات أراد مسار الإصلاح الاقتصادى وكان فى الحرب والسلام سابقا لعصره
• التحدى المصرى أكبر من أى رئيس "عبد الناصر- السادات- مبارك- مرسى- عبد الفتاح" لكن عمره ما يبقى أكبر من المصريين
• كفاية اللى حصل السبع سنين اللى فاتوا احنا بنرمم آثار ما حدث
• اللى بقوله ليس تقليل من 25 يناير ولكن دى تجربتنا ولابد لنا من أن نتعلم منها
• لو فى إرهاب فى سيناء بنسبة 90% وأنا بنزل بيه لـ 10% دلوقتى يبقى أقدر بعون الله وإرادة المصريين ننهيه تماما
• أتمنى من الله أنه كان يرزقنى بـ 2 تريليون دولار مش هوزعهم على الناس ولكن.. هبنى بيهم بلدى
• بحب أكون مع الناس وأمشى وأتكلم فى وسط الشارع ومش ببقا مبسوط وأنا ماشى وألاقى الطريق فاضى
• تجربتى ثرية جدا فيما يخص دور الست المصرية فى البيت وأنها مصنع الرجال
• فى سن أحفادى بإذن الله الدنيا فى مصر هتبقا غير كده خالص بإذن الله أحفادنا هيجنوا ثمار صبر أهلهم
• الخاتم كان هدية من والدى وهو غالى عندى جدا
• لو قلت يا مصرى أن مفيش أمل وقعدت ترددها هتصدق نفسك وتتأكد أن مفيش أمل ومهما حصل من تقدم هتفضل مصدق كلامك
• مش الأكل بس هو الأساس لتربية الأولاد لكن اللى هتخلفه تفكر هتربيه إزاى وهتعلمه إزاى
• لو قلتلك أن أنبوبة البوتجاز بتتكلف 130 جنيها الدولة بتدفع 100 جنيه من تمنها والوقود لو بعناه بسعره الحقيقى هيبقا تمنه غالى أوى.. هو ده دور الدولة أنها تقف مع المواطن فى ظروفه
• مشاركة القوات المسلحة فى الاقتصاد لا تزيد عن 3% احنا بندخل فى قطاعات بنعمل نوع من التوازن علشان الحكومة تقدر تواجه التحديات
• لو مبنفكرش فى بكرة كنا عشنا دلوقت ومنفكرش فى اللى جاى واحنا كده كده مكناش هنبقا موجودين لكن احنا بنفكر فى المستقبل أكتر ما بنفكر فى نفسنا
• الجامعات الجديدة بتعمل توأمة مع أكبر 50 جامعة فى العالم والقديمة بنعمل فيها برامج تأهيل وتطوير علشان التعليم الجامعى يتغير
• برنامج إصلاح التعليم سيتم إطلاقه العام الحالى أو القادم وسيستمر 14 عاما
• قسما بالله كنت أتمنى تواجد عشرة من أفاضل المصريين والناس تختار بينهم لكن إحنا لسة مش مستعدين
• فى الخمسينات كان فى ناس بسطاء ولكن اقتصاد الدولة كان قوى لحد عام 62 لما دخلنا اليمن
• كل غطاء الذهب المصرى استهلك فى حرب اليمن وجاءت بعدها 67
• من 67 إلى 77 البلد "اتجمدت" اقتصاديا بسبب الحرب ومن قبلها حرب اليمن ومن هنا بدأت مشكلة الاقتصاد
• العيب كان فى عبد الناصر ولا فى السادات.. المشكلة كانت فى ظروفنا بشكل عام فى تلك الفترة من عمر بلدنا 15 سنة فى عمر اقتصاد مصر
• بفضل الله مشاكل الكهرباء والغاز والدولار اتغلبنا عليها وكلنا عبرناها بنجاح مش السيسي اللى عبرها لوحده
• المصريين هما الأول وهما الآخر.. لو بنزل فعلشانهم ولو قلت مش نازل فيبقا هما اللى قالوا
