اعتذر أحمد حسام ميدو لاعب الزمالك ومنتخب مصر السابق، عن الفيديو الذى تم تسريبه أمس لرباعى ستوديو تحليل مباراة مصر والبرتغال، والتى انتهت بفوز المنتخب البرتغالى على الفراعنة، بهدفين لهدف فى الدقائق الأخيرة من عمر اللقاء.
وكتب ميدو عبر حسابه الشخصي بموقع التدوينات الصغيرة تويتر: "امبارح اتسرب فيديو واحنا قاعدين في الفاصل بنعتذر طبعا لكل الناس على كل لفظ خارج فيه.. وإن شاء الله هنجيب الخائن للأمانة فى أسرع وقت ممكن ..أكيد مش ذنب أى حد أنه يسمع الألفاظ دى!!.
وأضاف ميدو: "أما عن الشباب اللي عايشه الدور ومصدومين من الألفاظ وكده، وكانوا فاكرين ان احنا واحنا بنتكلم مع بعض بنبيع سبح وفوانيس، فبقولهم معلش ما تتخضوش ميدو عمره ما عمل نفسه ملاك، ولا عايز الناس تفتكره ملاك!! ".
واختتم العالمي تدويناته: "كلنا واحنا بيننا وبين بعض بنهزر وبنضحك، وأكيد لو أى حد سجل ليك انت وصحابك فى كلام أكتر من كده ممكن يطلع.. مره تانيه باوعدكم هنجيب اللي سرب الفيديو ومش هنسيبه!! صباح الفل عليكم جميعا!!".
.jpg "ميدو يعتذر عن الفيديو المسرب (1)")
.jpg "ميدو يعتذر عن الفيديو المسرب (2)")
.jpg "ميدو يعتذر عن الفيديو المسرب (3)")
عدد الردود 0
بواسطة:
mado medo
حيلة دنيئة
احيي ميدو لصراحته ووضوحه ، والذي سرب الفيديو حسابه عند الله لان ما فعله اعتداء علي خصوصيات الناس ، ولله في خلقه شئون
عدد الردود 0
بواسطة:
ميشيل عزيز
علي راي مدحت شلبي: يا شن ياشن ... خدلك ٢ ورننن!!!
ياعم الصحف العالمية النهاردة متكلمتش عن براعة الخرم اتكلمت عن رينالدوووو ... وازاي ببراعته وفي دقيقة سجل جونين وصنع الفارق بعد هروبه من حجازي. حتي ولو كان فى الوقت الضائع وهوه ده النجم اللي بيصنع الفارق... من الاخر محمد الشناوي اسم كبير لخرم جديد
عدد الردود 0
بواسطة:
د. غالى
كل ماعون ينضح بما فيه
أمس يكتب هذا الشخص لإنسان تطهر ويقول له أن من يبيع ناديه يبيع مراته واليوم ألفاظ تنم عن طبيعة قائلها لأن " كل ماعون ينضح بما فيه " والسخف أن يكون التبرير أن كل الناس تفعل هذا بين بعضها البعض والأسخف أن يوجه اللوم لمن سرب هذا . حقيقة إذا لم تستحى فإفعل ماشئت .. تحيا مصر بدون هذه النماذج السيئة .. تحيا مصر بدون بجاحة وبدون متبجحين .. تحيا مصر بدون التعليق السوقى على المبارايات الذى سمعناه أمس .. لابد من إبعاد مثل هذه الشخصيات التى تسئ إلى مصر وتمثل قدوة سيئة لأجيالنا الحالية والقادمة .. القدوة الصالحة هى أساس التربية الصالحة .. تحيا مصر بمؤدبيها وقدواتها الصالحة التى تعى ماتقول .....
عدد الردود 0
بواسطة:
شوقى سلامه
تعليق على مباراه وليس غرزه شد أنفاس يا ك ميدو
طاولة تقييم مباراه رياضيه من جانب خبراء اللعبه يكشف عن أن منظومة إستضافة أصحاب الرأى بها عواريه وتخضع للخواطر وباتت سبوبه وليس إستظهارا لكنه وماهية مباراه وكشف ثغرات وعيوب فنيه للإفاده ...للأسف الطاوله للمحاسيب ( الكوسه ) والنتيجه فى الفاصل يتناه إلى سمعك صخب فاحش تحشيشى يغتال الحياء العام
عدد الردود 0
بواسطة:
فتحي
أنا مش شايف إعتذار !
أنا مش شايف إعتذار !انا شايف واحد بيبرر قلة الأدب وإنها عاديه !! وكل همه إنه يجيب اللي سرب الفيديو وكشف حقيقتهم البذيئه أمام الناس.!! لابد من إتخاذ موقف رادع من المجلس الأعلى للإعلام ومنع هذه الكائنات من الظهور.
عدد الردود 0
بواسطة:
خالد السيد
والله يا كابتن الفيديو ده وضحلنا تمام الاهلاوية
شوية افلاهم . والله غلابة. وبشهادتهم علشان ما ينكروش.. بصراحة كابتن مجدي ملوش حل .. جه يوقعهم اتزحلق. ههههه
عدد الردود 0
بواسطة:
مصرية
نصيحة لميدو يتعلم من رئيسنا عفيف اللسان مع انه لا يبيع سبح!!!
هل أصبح الانسان المحترم عفيف اللسان الخلوق هو بس من يبيع السبح والفوانيس؟!!! وهل العادي ان كلنا بنهزر ونتكلم بألفاظ خارجة غير لائقة؟!! مع احترامنا لكابتن ميدو لكن عذره أقبح من ذنبه وتبريره غير مقبول، نحن في أمس الحاجة لقدوة حسنة لأبنائنا وليس إلى هذا الكلام الذي لا يليق
عدد الردود 0
بواسطة:
رفعت
اسوء استوديو
اسوء استوديو فى مباراة مصر والبرتغال بسبب عدم اختيار الضيوف بعناية ولكن بمحسوبية وانكشفو امام مصر كلها وكمان وش الفقر مذيع المباراة ده نحس دكر على مصر واتوقع سقوط اون بسببهم الخمسة بتوع امبارح وتصدقو ان الخمسة اتحاد كورة
عدد الردود 0
بواسطة:
Ibrahim Taher
قول حق
أنا اهلاوي لكن بصراحه كلنا خطائون ولا نحب الخطأ لكن الاكثر خطئا ان نصور الناس ثم نفضحهم..أيا كان الشخص من ستر مسلما ستره الله يوم القيامة
عدد الردود 0
بواسطة:
محمد عطية الوليلي
عذر أقبح من ذنب
يا كابتن ميدو المشكلة مش اللي سرب الفيديو - المشكلة في الألفاظ البذيئة اللي تقال في قعده زي دي - يعني على الهواء نلتزم ومن غير على الهواء ما فيش أي إلتزام - ويعني إيه إحنا مش بنبيع سبح - يعني هو اللي بيبيع سبح هو المتدين الملتزم - إيه خلط المفاهيم ده -