حروفى طالعة من ألمَى ---من آهة جوايا مكتومة
محفورة فوق جدار قلبى ---ومشاعرى جواها مسجونة
طفح الكيل وزاد همى -----وأطياف الويل مصحبانى
هرب الحب من قلبى -------وخاصم كل اللى بكانى
قولت لقلبى يتغير ---------ويحط العقدة فى المنشار
والحب بإيدى مسمرته ------أحسن ما أفضل عايشها حمار
زعلان ومشاعرى زعلانة -----علشان بطبيعتى بأحب الناس
بس القلوب التعبانة ----------قتلت جوايا الإحساس
الكل فى نفسه بيفكر -------والقلب الطيب بقه معيوب
وبقه يغلط ومهما يستغفر----- عيوب الناس مليته ذنوب
يا صاحب القلب الأبيض -----متزعلشى خلاص هاعاديك
يا تحاول تغير فى لون قلبك ----يا هدوس انا وهمَ عليك
يا نهرب انا وأنت ---------ونختفى من كل الكون
يا نكمل كدة ونسكت -------ونرضى يا قلبى بالمقسوم
يللا يا قلبى كمان فضفض -------وخرج كلامك المكتوم
كفاية علينا بقه -----وأرفض نعيش فى ساحة المظلوم
خلينا نعيش ونتنفس --------ونرمى ورانا أى هموم
ده وجعى انا وأنت يتدرس---- ويبكى كل عين فى الكون
