نجحت مباحث الأموال العامة، فى ضبط "مستريح جديد" نصب على العديد من المواطنين، واستولى على مبالغ مالية تجاوزت 40 مليون جنيه.
جاء ذلك فى إطار جهود الأجهزة الأمنية المستمرة لمُكافحة الجريمة بكافة صورها وخاصةً جرائم النصب والاحتيال على المواطنين والاستيلاء على مبالغ مالية منهم بالمخالفة لأحكام القانون، والعمل على ملاحقة وضبط مرتكبيها.
تلقت الإدارة العامة لمباحث الأموال العامة بلاغاً من عدد من المواطنين، بقيام "حسن.م" تاجر قطع غيار سيارات وصاحب إحدى شركات تنظيف السيارات بمنطقة روض الفرج بالقاهرة، بتلقى مبالغ مالية منهم بلغت 3.113 مليون جنيه مصرى بغرض توظيفها واستثمارها فى مجال تجارة قطع غيار السيارات من خلال شركته سالفة الذكر، مقابل أرباح شهرية بالمُخالفة لأحكام القانون، وامتناعه عن سداد الأرباح، أو رد أصل المبالغ.
وأسفرت تحريات إدارة مكافحة جرائم النقد والتهريب عن صحة الواقعة، وتلقى المتهم مبالغ مالية من المواطنين، وعقب تقنين الإجراءات بالتنسيق مع قطاع الأمن العام وأمن القاهرة، تم ضبط المتهم أثناء تردده على أحد المقاهى فى مدينة نصر بمحافظة القاهرة .
واعترف المتهم بصحة الواقعة، وبتلقيه مبالغ مالية كبيرة من المُبلغين وآخرين يصل عددهم نحو 40 مودعا، وأن إجمالى المبالغ التى تلقاها تجاوزت 40 مليون جنيه، فتم اتخاذ الإجراءات القانونية اللازمة حيال الواقعة، وجارى العرض على النيابة لمباشرة التحقيق.
عدد الردود 0
بواسطة:
منين نجيب الصبر
هو لسة فية ناس عبيطة بتصدق النصابين دول وبيدوهم شقى عمرهم المطلوب حبس المواطنين مش النصابين
بصراحة كدة يجب اصدار تشريع يقضى بحبس اى مواطن يسلم فلوسة وبمحض ارادتة لاى نصاب على الاقل سنة مع الافراج عن النصاب ومصادرة الاموال دة أن كانت مازالت موجودة او تركها لة عندا فى المواطنين المغفلين--انا مش عارف هى الناس دى مش عاوزة تتعلم مسمعوش ولا قرأوا عن النابين وحيلهم للايقاع بالغلابة والمساكين--والله انا على الطرفين-- مش عارف منين نجيب الصبر--منين--
عدد الردود 0
بواسطة:
واحد من مصر
في حاجة غلط
لو الكلام اللي في الخبر دا مظبوط بلاغات من 40 شخص مقابل 40 مليون جنية قيمة اللي النصاب ده اتحصل عليه معنى كده انه متوسط كل واحد دفعله مليون جنية دول بقا جابوهم منين !!!! و بعدين انا لو معايا مليون جنية بس ... هفرط فيها بسهولة كده دا يرجعنا لنقطة ان الناس دي معاها اكتر من كذا مليون عشان يفرطو في مليون منهم بالسهولة دي في حاجة غلط يالخبر مبالغ فيه -- يافي فلوس في البلد صح ولا ايه ؟!!!
عدد الردود 0
بواسطة:
منين نجيب الصبر؟
الى العزيز واحد من مصر--كل طماع لازم يقع فى ايد نصاب--و'ماع بنى لة بيت جة نصاب وسكن لة فية
مش مهم كل واحد جاب المليون منين --تعالى نسأل السؤال بطريقة أخرى --طالما هو عندة المقدرة لعمل المليون لماذا لا يستمر فى عمل المليون التانى والتالت والرابع والخامس الى المليار--القصة ببساطة شديدة جدا --هو الطمع الذى يقل ما جمع--فهل النصابين لديهم مخ وعبقرية لعمل الملايين والضحايا لا--طب أسألوا أنفسكم طالما هوة شاطر قوى كدة لماذا لم يعمل هو ملايين لنفسة--هو عبقرى بس فى النصب وعاوز يعمل ملايين بسهولة وبدون ادنى مجهود بشفط ولهف شقى عمر الناس الغلابة والعبيطة وعلى أفا كل من طمع ولة دفع--يا ناس افيقوا يرحمكم الله انتم أية للدرجة دى ناس هبلة وساذجة مفيش حاجة اسمها بزنيس مع نصاب--وتعرف النصاب منين لو قال لك هديك نسبة اكبر من البنك ونقرا الفاتحة على الخاين وابن الحرام--وهو فى الاساس بيقرا الفاتحة أن يوفقة الله فى لطش فلوسك وان يعميك عن كشفة--يارب يوسع بصيرتكم ومتعملوش كدة تانى --ولا الفلوس اللى معاكم دى جبتوها من حرام علشان كدة راحت بلاش
عدد الردود 0
بواسطة:
Abdelrahman
ضحكت انا
مفيش الكللم ده سعداتكم احنا فى خراب ونصب صاحبه مكتب توظيف من طنطا نصبت علي اكتر من ١٠٠ شاب للسفر لدول متفرقه بمساعده امين شرطه وللاسف الشديد قفلت المكتب بكل سهوله وقاعده في طنطا ومعروف عنونها ومتجوزه مين وبتصرف من فلوس الشباب عادي جدا واتعمل فيها محاضر نصب في الاموال العامه فى طنطا وكله بطيخ والمصيبه ان مكاتب تانيه ماشيه علي نفس النهج وانا محتاج اوعي الناس وانشر تفصيل القصه
عدد الردود 0
بواسطة:
ياسر موسي
الطمع بيخلق النصاب
نحن من نصنع المستريحين