كام سلمة ومسلمة على سقف معقود بالجريد
ياقعدة اول سلمة والله واهى عدت سنين
مشتاقين لضل حيطة وسنبلة
بنفس راضية منفده أندهى وناولى الرغيف
مشتاقين للديوان شمس سهراية زمان
افرش الفرش القياس والتكاية م القماش
كام مخدة كام مخدة محشية ليف
مشتاقين للطريق للخطاوى والحكاوى
للطراوى والعزيق
مشتاقين للسقيفة والحصير
العصيدة الرغيدة ميه وبحفنة دقيق
مشتاقين للطرمبة انطليلى يايامه نطله
بل ريقى عشطانين
مشتاقين للعلاوى الصق الداوية داوى
فوق وبين الجرح داوى مجروحين
ايوا والله مشتاقين
غصب بيخدنا الحنين حنة القلب الصعيد
شال وعمه فوق دماغه كان فى حاله كان بسيط
فوق حيطانه طن بوص
وكام شواله كام شكارة م الوقيد
مشتاقين للكانون للبابور والفانوس
جو طاقة كابة نور
تحلى فى سعتها الحكاوى
شاهدة لنضتنا السهارى
يومها كانوا مبسوطين
مشتاقين للقناوى للمسجل والرداوى
قعدة لمه تمثلية وسط دوشة والزعيق
مشتاقين للطبالى والصوانى للبريق
اكسريلى يايامه كسرة
لو كبرنا لسه احنا صغيرين
مهما حتى لو بعدنا لو كبرنا غصب بيخدنا الحنين
أشتياق مشتاقين حنه القلب الصعيد
لسلمة بيتنا القديم ايوا والله مشتاقين
كام سلمة ومسلمة على سقف معقود بالجريد
