اشتكى القارئ محمد عادل المقيم فى الإمارات العربية المتحدة من تأخر تسلم وحدته فى مشروع "دار مصر" للمغتربين، الذى أعلنت عنه وزارة الإسكان مؤخرا.
وقال القارئ فى شكواه لخدمة صحافة المواطن بـ"اليوم السابع" على حسب كراسة الشروط إن تسليم الوحدات بعد وصول التخصيص على الإيميل بشهرين وتم التخصيص بشهر أغسطس 2017 ولكن ذلك لم يحدث التسليم، وتم تحديد موعد آخر وهو نهاية شهر ديسمبر الماضى ولم أتسلم أيضا".
وتابع :" وبعدين غيروا الميعاد قالوا هيكون شهر 3 واحنا دلوقتى تاريخ 16.4.2017 ومفيش أى جديد"، مطالبا المسئولين بضرورة النظر سريعا فى شكواه، لافتًا إلى أن العقار المتواجد به وحدته تم تسليمها للجهاز، وتم تسليم بعض الشقق لسكان آخرين.
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة،ليتم نشر الأخبار المصورة والفيديوهات بإسم القراء، عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
عدد الردود 0
بواسطة:
طرازان
خيرها في غيرها 😄😄
طالما سلموا و حضرتك لسه ... ما تقلقش كتير ... لان ممكن ادوها لواحد معرفتهم 😂
عدد الردود 0
بواسطة:
عادل الغرباوى
بينات الشقة
لو سمحت ممكن بينات الشقة والمدينة. ورقم العمارة. عشان نتاكد. ليه عن الشقة
عدد الردود 0
بواسطة:
محمد
اتضامن معاه بخصوص تأخير فى تسليم وحدات دار مصر للمغتربين في الخارج
السلام عليكم ورحمة الله وبركاته الصحفى او الصحفية المحترمين احيكم على نشر الموضوع للأسف وزارة الاسكان وهيئة المجتمعات العمرانية الجديدة مقضياها كله طرح طرح ومفيش تسليم الا لعدد من الوحدات البسيطة جدا جدا بالمقارنة للعدد المتبقي من الوحدات اللي مبنية وجاهزة على الاستلام وللأسف مسلموهاش للمستحقين اللى انا من ضمنهم لا حول ولا قوة الا بالله طيب قبل ما تعلنوا عن طرح جديد سلموا الناس الاول اللى دفعت فلوس وشقى غربتها وحاجتها جاهزة على الاستلام ورتبت امورها على الاستلام فى الميعاد اللى متوضح فى كراسة الشروط يا مسئولين يا محترمين اللى بيحصل فينا ده ميرضيش ربنا.. بالنسبة للمغتربين فااخارج دافعين شقى غربتنا بالدولار ودافعين 50% تقريباً من قيمة الشقة عشان الواحد يسكن فيها ومرتبين أمورنا واحوالنا اننا نستلم زى ما مكتوب على الموقع الخاص بالحجز وقايلين ان الاستلام الخاص بالوحدات بعد شهرين من التخصيص وبعدين اما الشهرين انتهوا عدلوا اللى مكتوب علموقع قالوا على حسب كراسة الشروط التسليم من 31.12.2017 وبعد ما عدى الوقت ده كمان قالوا هنعمل مرحلة تكميلية وهنسلم بعد كده،، وخلصت من 22.3 يعنى خلصت من شهر تقريبا ولغاية دلوقتي مفيش اى اخبار عن ميعاد محدد للتسليم الخاص بوحدات دار مصر للمغتربين فى الخارج اللى كان من سنة فاتت مايو2017 مفيش تقدير لغربتنا ولا لظروفنا ولا لوقتنا الضيق اللى اقصاه 30 يوم فى مصر ولازم بإذن من شغلنا مش فى اى وقت نقدر ناخد اجازة وننزل انا بشتكى لحضراتكم وبتمنى يكون حد من المسئولين في اتخاذ القرار يقرى الكلام ده لان اللى بيحصل ده مش صح وغير آدمى حطوا نفسكم مكانى ومكان الناس المتغربة..الدنيا مش دايمة لحد.. وممكن تحتاجو لناس ويحصل معاكم نفس الموقف من التجاهل وعدم الاهتمام
عدد الردود 0
بواسطة:
محمد حافظ
لا أحد يرد على شكاوى حاجزى شقق دار مصر
حاولت كثيرا وقدمت على بوابة الشكاوى الحكومية وعلى البريد الخاص بهيئة المجتمعات العمرانية ولم يرد أحد على لانهم لا يستطيعون تحديد موعد لتسليم الشقق
عدد الردود 0
بواسطة:
هيثم
اسال الجيران
انا لو منك تبعت حد يسال الجيران اللى استلمو الشقق وانت لسه ما استلمت وافهم منهم مين اللى بيخلص انت فى مصر يا محترم مش فى دبى شخلل عشان تعدى
عدد الردود 0
بواسطة:
عبده فؤاد
سوء نية ام سوء تخطيط
وزارة الإسكان للأسف لم توفي بالتزامتها سواء بالاراضي او الشقق ومازالت تطرح كم هائل جدا من أراضي غير مرفقة وشقق غير جاهزة يجب التوقف عن الطرح للوفاء بالتزامتها