ردت الفتاة المعروفة بـ"فتاة الطريق الدائرى" التى ظهرت فى فيديو غاضبة من توقف الطرق بسبب الأمطار الغزيرة الأسبوع الماضى بفيديو جديد، تؤكد خلاله استغلال الفيديو الذى صورته، على محاولات بعض القنوات الإساءة للبلد.
وقالت الفتاة فى الفيديو الجديد: "بعد انتشار الفيديو اليومين اللى فاتوا على السوشيال ميديا بشكل قوى، كنت عاوزة أرد على القنوات اللى استغلت الفيديو ده استغلال سئ جدا وأدرجته تحت عناوين مالهاش أى علاقة بمحتوى الفيديو عشان يقولوا أنى ما بحبش بلدى".
وأضافت قائلة: "أنا مش بهين بلدى وبحب بلدى وما حدش يقدر يشكك فى حبى لبلدى، وفعلا فى بعض القنوات استخدمت الفيديو حرفيا واستغلته فى أنها تكون ضد البلد وده أنا برفضه بشكل قاطع وصريح".
وتابعت: "الفيديو كان بيعبر عن موقف وده مش معناه إننا ناخده ونستغله وننشره 24 ساعة على بعض القنوات، وموضوع حب البلد مالوش أى علاقة بالموقف إللى حصل".
وتداولت صفحات موقع التواصل الاجتماعى فيس بوك، فيديو لفتاة احتجزتها الأمطار ومنعتها من التحرك لمدة 10 ساعات على الطريق الدائرى. وقالت الفتاة إنها حاولت التواصل مع فرق الإنقاذ والنجدة.
