السيسى بمؤتمر الشباب: "لو الشعب قاللى ارحل هارحل فورا"

أكد الرئيس عبد الفتاح السيسى، رئيس الجمهورية، أن قرار رفع تذكرة المترو ليس بجديد، ولكن طالب به الوزراء السابقون، هانى ضاحى وسعد الجيوشى، وجلال السعيد، مضيفا: "جت خبططت فى الدكتور هشام عرفات".

جاء ذلك خلال جلسة "هنكمل الحكاية" ضمن فعاليات المؤتمر الوطنى للشباب فى نسخته الخامسة.

وعلق الرئيس على تصريحات وزير النقل فى التليفزيون والذى طالب خلالها بأن يسامحه الشعب، قائلا: "يسامحوك إيه يا دكتور، يقولك سامحونى هو فيه خيار تانى، البلاد مابتقومش غير بالقرارات الصعبة، احنا مش جايين نقعد معاكم يومين ونمشى.. لا والله، احنا بنحاول بفضل الله ناخد الإجراء، ولو ماختش القرارات دى محدش تانى هايخودها، محدش يخش التحدى والناس تطلع تزعقله وتقوله ارحل، لكن لو انتو قولتولى ارحل هاقولكم سلام عليكم، يا البلد تبقى بلد ونقوم ونقف على رجلينا مظبوط، وده مش أمر مش بسيط ومحتاج نفهم احنا مين وظروفنا إيه ومحتاجين نعمل ايه ونستحمل اللى نعمله، وهذه خطة عمل بقالها 4 سنوات فى جميع القطاعات، كهرباء ومياه وصرف صحى، مافيش خيار تانى".