أبدى مرتضى منصور، رئيس نادى الزمالك، أسفه الشديد من قيام فرج عامر رئيس سموحة بتضليل أعضاء الجمعية العمومية لناديه العريق على حد قوله.
ونشر الموقع الرسمى لنادى الزمالك بيانًا من مرتضى منصور حول الأمر وجاء كالتالى: تساءل المستشار مرتضى منصور إذا كان ما يدعيه عامر صحيحًا فلماذا سبقنى على العشاء وانتظرنى ومعه بعض أعضاء مجلس إدارته لمدة ساعة حتى أذهب إلى بيتى وأخدت حمام وألحق بهم وإذا كنا متخاصمين لماذا قبل دعوتى له فربما ذلك حدث لأنك لا تملك دفع ثمن العشاء أو أنك تعتقد أننى أقمت مائدة رحمن فى إسكندرية قبل شهر رمضان للمساكين والغلابة.
وتابع: كل هذا يجوز لكن الأكيد أن أخويا فرج فقد صوابه بعد الهزيمة الموجعة التى أخرجته عن شعوره هو والمخبول اللى كان يسعى لإفساد حفل المراسم وتسليم الكاس لولا تدخل المهندس هانى أبو ريدة كان زمانى معلقه من رجليه على باب سموحة.
وتعجب مرتضى منصور من ادعاء عامر أن النائب صلاح عيسى هو الذى وجه له دعوة العشاء قائلا: يا راجل صديقى النائب صلاح عيسى محطش إيده فى جيبه أصلاً وأنت وهو شايفين النائب أحمد مرتضى منصور وهو بيحاسب صاحب المطعم.. والله عيب يا أخى وإحنا ضيوف عندكم فى الإسكندرية البلد اللى أهلها مشهور عنهم الكرم طب كنتم ادفعوا ثمن العيش والسلطة وأنا ادفع باقى الحساب لكن كلكم كنتم حاطين إيديكم فى الجبس وجيوبكم مشمعنها بالشمع الأحمر.
عدد الردود 0
بواسطة:
سليمان ابو العز
عيب
في ناس لو تسكت .. و تقفل فمها .. اكيد ربنا ها يكتب لهم ثواب ..... لأن التجارب اثبتت ان البعض .. كل ما يتكلم ...لا يخرج من فمه الا العيب
عدد الردود 0
بواسطة:
السعدنى
كل سنة وانتم طيبينمن
من اهلاوى كل سنة وانتم طيبين سيادة المستشار والصلح خير رمضان كريم عليكم وعلينا وعلى جميع جماهير مصر كل سنة وجميع فرسان اليوم السابع بخير كل سنة ومصر بشعبها الطيب بخير رمضان كريم
عدد الردود 0
بواسطة:
محسن محمود
حقيقي اخلاق نواب
اخلاق .........
عدد الردود 0
بواسطة:
عمرو السيد
عيب فعلا
انا اهلاوي ولكن لو ده حصل فعلا يبقي الاستاذ مرتضي منصور علي حق - اهلاوي اسكندراني
عدد الردود 0
بواسطة:
حسين عبد الغنى
عيب بجد
عيب بجد ان واحد زيك بيكسب ملايين الجنيهات فى مرافعه واحده وبتتكلم فى قيمة العشاء اما انك راجل طفس صحيح ☹️☹️☹️
عدد الردود 0
بواسطة:
الدغرى
يا راجل عيب....
... دانتا يارب فلوس تكفى دفع حساب العشا لمليون لمده خمسين سنه قدام..😁
عدد الردود 0
بواسطة:
mmm
فاتورة فاورة يعني
شكل الفاتورة كانت عالية وألهبت الحماس فاشتعل الرأس كيدا ... كلكم ناس زي العسل... اي والله زي العسل.. احنا اللي وحشيييييييييييييين
عدد الردود 0
بواسطة:
محمد صلاح
فاتوره
عيب عليك لم انت مش العزومه بتعزم ليه وترجع اعطيت زاى العيال من الاخر انت جاى تدفع انت الكاس المسروق