استقر الجهاز الفنى للمنتخب الوطنى الأول بقيادة الأرجنتينى هيكتور كوبر، على ضم ثنائى حراس المرمى محمد الشناوى وشريف إكرامى لقائمة المنتخب النهائية لكأس العالم فى روسيا، والتى سيتم إرسالها إلى الاتحاد الدولى لكرة القدم "فيفا" يوم 4 يونيو المقبل وتضم 23 لاعباً.
وكشف مصدر بجهاز المنتخب، أنه تم الاستقرار على وجود الشناوى وإكرامى فى المونديال، فيما يتنافس الثنائى عصام الحضرى ومحمد عواد على الحارس الثالث فى القائمة، وتعتبر فرص الحضرى هى الأقوى بسبب عامل الخبرة.
تابع أن المنتخب سيصطحب معه الحراس الأربعة إلى روسيا تحسبًا لوقوع أى إصابات قبل أول مباراة فى المنتخب، حيث تمنح اللوائح الفراعنة الحق فى استبدال لاعب وحيد قبل أول مباراة فى المونديال بـ24 ساعة بشرط وجود تقرير طبى.
عدد الردود 0
بواسطة:
ايمن عبده
حاتم رضا ...ملك الكوميديا
الاستاذ حاتم رضا من زمان بيدافع عن شريف إكرامي بكل ما اعطاءه الله من قوة لدرجة ان في احدي المقالات وصفه بي بوفون الكرة المصرية استاذ حاتم شريف إكرامي صاحبك وحبيبك وبتموت في صوابع أيديه حقك بس انك تكتب اخبار مفبركة وكاذبة ده عيب وكلها ايّام وهتلاقي الحضري حارس مصر الأساسي في كاس العالم عيب انت مش صغير علي فبركة اخبار
عدد الردود 0
بواسطة:
رامى عزام
خبر غريب و مستفز و مش منطقى
بصراحه الاستاذ أيمن قبلي قال اللى عاوز أقوله أزاى أصلا حد عاقل يصدق الخبر بالشكل ده و شريف أكرامى أساسا أنضم بس لما أحمد الشناوى أتصاب ؟؟ يعنى هو كان خارج الحسابات أصلا!! مش وقته خالص الأخبار اللى من النوع ده يا ريت نكون محايدين شويه
عدد الردود 0
بواسطة:
احمد التلوانى
حبيب بابا
الظلم اخرته مش كويسة ...........اكرامى مركون فى الاهلى لسوء مستواه ازاى يكون اساسى فى المونديال ؟؟؟؟ اصابة احمد الشناوى قد تكون بفعل فاعل ومتعمدة لادخال اكرامى الفتى المدلل لبابا
عدد الردود 0
بواسطة:
علاء
ازاي يا جدع بلسان عادل امام
شريف اكرامي ؟!!! ازاي يا جدع بلسان عادل امام في فيلم سلام يا صاحبي
عدد الردود 0
بواسطة:
محمدالشيخ
صلاح محسن
اتمنى أن يكون صلاح محسن موجود فى المنتخب معرفشي اغلي لاعب فى مصر ومش موجود فى المنتخب مروان محسن ضعيف وراجع من أصابه وثقيل مش ينفع صلاح محسن شاب وقوى وحريف
عدد الردود 0
بواسطة:
ابن مصر
متزعلش حد ياكوبر
كل حارس يلعب مباراة ولتبدا مباراة اورجواى بعصام الحضرى واكرامى يلعب مباراة روسيا والشناوى يلعب مباراة السعودية انتا عندك غيرهم دول احسن الوحشين الصراحة مركزى حراسة المرمى والهجوم هما نقطة ضعف المنتخب وخط النص نص ونص والدفاع على حسب قوة هجوم الفريق المنافس وكوبر عايش فى الوهم يعنى ربنا يسترها ونخرج من الدور الاول بدون هزائم ثقيلة كده كده مش هنصعد لدور ال16 الحقيقة مرة بس لازم نتقبلها بصدر رحب
عدد الردود 0
بواسطة:
حسام
استرها يارب!!!
مافيش محمد صلاح وكمان فيه شريف اكرامى استرها يارب ولا تجعل الاخرون يرفعون كف يدهم الخمسه فى وجهنا يكفى صباع واحد او اثنين!!