عبير يسري تكتب : بيَّاع الشوك

أم فلسطينية عندي

    أصل القضية وكل ما فيها.

بيَّاع الشوك أعطاني تفاحة

             و قال تاكليها !!!

في طعم المُر حلاوتها

           ما لقيت خير فيها.

في أرضي قال أبنيلك

     بنى بيته وحيطاني نسيها.

بالجنة دايما يوعدني

          ولا غير ناره ألاقيها.

مين قال اللي طَعني في ضهري

        جُروحي يقدر يداويها!!!

بيَّاع الشوك قتل ولدي

            وعلينا كلابه يوصيها.

تنهش فينا واحد واحد

       على الغدر أصله مربيها.

بيَّاع الشوك بقى سيد

          والأرض بيتحكم فيها.

ويذل في عزيز الأصل

           و أيامه يمرر لياليها.

و وعود سلام ينشرها

          ولا كلمة تتحقق فيها.

قِناع الود على وجهه

         وملامح الوحش يخبيها.

مخالب بلا رحمه تقطع

              خرايط وتغير فيها.

بيَّاع الشوك وأمره

         القدس ضاعت أراضيها.

والأقصى مع كل آذان

         الله أكبر على الظالم

  الله أكبر يعليها.