ورقة وقلم - صورة أرشيفية
مشاركة
نجوم السما بالليل تايهين
كداب اللى يشوف فيها قمرين
وعمر القلب ما بقى قلبين
وهى قال إيه بتحب اتنين
وقع اللى لعب على الحبلين
واتكشفت حكاية الخداعين
و ندمت وبكت بدموع العين
والحزن طفى حلاوة الخدين
بعد ماكانت عايشة بين حضنين
عاشت وحيدة طول السنين
ومين يرضى بغدر الغادرين
ماكان حبيبك فتح لك اليدين
ويا بخت اللى عن الحب ساكتين
واللى قرروا يكونوا ليه مقاطعين
أحسن ما ينجرحوا ويبقوا مجروحين
أصل جرح الحب بيبقى جرحين
وما ارضهوش يحصل للسامعين
بس وانتم على الحب مقبلين
حرصوا وما يغركمش الحنين
مشاركة
تم أضافة تعليقك سوف يظهر بعد المراجعة