إنسانى ومش هنسى .. ده أنا روحى حبييى هواك
ولو تجرح أنا مسامحة .. ولو بايع أنا شرياك
هعيش فترة على الذكرى .. وهستنى يا حبيبى رضاك
يمكن قلبك فى يوم يرضى .. ومش هيأس وهستناك
ده أنا حبك وأنا فرحك .. معاك حلمى ومش هنساه
لا أنا عايشة وأنا فى بُعدك .. ولا حاسة بغير الآه
ببات أحلم أنا وقلبى .. ونستنى حبيبى لقاك
معاك بنحس بالجنة .. وعايشينها على ذكراك
ده أنا قلبك أنا روحك .. أنا أنت أنا بهواك
معاك بحلم معاك بسرح معاك بفرح .. وأنا شيفاك
ولو تجرحنى أنا مسامحة .. ولا يمكن فى يوم أنساك
ده أنت حبيبى الفرحة .. ويوم عيدى بيبقى لقاك
