كمين 2
قبل ما تهرب
وتعلن عصيانك
وتثور عالضمة
إنها قفشتك هذى المرة
كام مرة الدمعة نزلت مضطرة
كام مرة كانت محتالة ؟
جفت من غير سبب
ونزلت قدام فيلم قديم
تتعلل بموسيقا المشهد والحالة
تعلن أن الباقى من الميت حى
محجوز فى غرفة إنعاش
يتعكز على وحده
ووحده راح ومجاش
وكأنك غيبوبة تنزف اوجاع
وكانى الوقت مساحة مش اكتر
بتْسَكَّنْ روحك بحنين
وتسكت أفكارك
بكلام متخدر
ضِحكك يجر اهات
وسكوتك عطشان اعترفات
مش طايل منك
غير ضلك
انت الطايش فى حوارى الوحدة
جعان ضم وملقيش
عايش فيها شجيع السيما
والناس يدوب شددها الافيش
