كليوباترا
مشاركة
أنا حضنى خلاص بيخاف م الضم
ورميت كل مشاعرى الدافية
صندوق ف اليم
ولا عمرى هقول روحى و"قصيه"
مستغرب ليه
فرعون جواك تمثال منحوت
وعصايتى مبتشقش بحرك ولا قادرة تفوت
وأنا مش كليوباترا ولا حتى إيزيس
لو عمر الحب مكنش طويل
مقدرش إنهى القصة بلدغة
ولا عمر دموعى هتخلق نيل
الحب جميل
إنما لازم وضرورى يموت
وأنت اللى اخترت
وسمحت لـ"ست"
يقتل حبك والجايزة تابوت
مشاركة
تم أضافة تعليقك سوف يظهر بعد المراجعة