أعلنت منذ أيام قليلة الفنانة ريهام حجاج، زواجها من رجل الأعمال محمد حلاوة حيث نشرت عبر حسابها الشخصى بموقع "انستجرام" خبر زواجهما .
وعقب أنباء زواج ريهام حجاج، انتشرت على مواقع التواصل الاجتماعى، صورة من عقد قران ريهام حجاج فى زواجها الأول، والذى يعود لحوالى 10 سنوات من الآن، حيث كانت ملامح ريهام مختلفة عن الان، وهو ما جعل الكثيرون يعلقون على الصورة .
ريهام حجاج على انستجرام
ريهام حجاج اختارت أن ترد بشكل واضح وصريح عبر حسابها على انستجرام، حيث نشرت الصورة والتى كانت محل سخرية من البعض لزواجها الأول، وعلق قائلة: "الناس التافهة اللى اجتهدت عشان تطلع صورة قديمة لكتب كتابى من مجلة و تنشرها على أنها شئ ممكن يضايقنى احب اقولهم إطلاقا".
وتابعت "كل محاولات التشويه اللي عمالة تحصل لواحدة اتجوزت علي سنة الله و رسوله من راجل مطلق اصلا ان دلت علي شيء فتدل على مرض النفوس ونصيحة للستات الفاضية.. مافيش راجل بيتسرق".
وأضافت "الناس بتتجوز و تطلق عادي و كل شيء قسمة و نصيب و ربنا اللي بيبقى كاتب و مقدر .. بلاش تفاهة و لو كل واحد طلع صورته من 15 سنة هيلاقى شكله اختلف عادي .. (خاصة صور الافراح اللي فيها ٣ كيلو ماكياچ) دا رسمة الحواجب بتفرق .. المهم الجوهر و أنا مافيش حاجة فى حياتي ممكن اتكسف منها و اللي حاصل دا ما شيء غير تفاهة وحقد عشان دا جواز .. اللي الناس بتباركلي عليه .. لا خبر بقضية قتل و لا فضيحة مخلة للآداب .. كفاية هري و صحافة صفرا .. طبعا الكلام دا للمرضي النفسيين أما كل الناس الطبيعية اللي باركتلي و فرحتلي و ماعرفتش ارد عليهم من كترهم ..بشكرهم و بقولهم يا رب مسلسل كارمن يعجبكم يوم 10 فبراير علي الـCBC ان شاء الله"
يذكر أن ريهام حجاج تنتظر عرض مسلسلها الجديد "كارمن" على قناة cbc الذى تخوض به أولى بطولاتها المطلقة فى عالم الدراما التليفزيونية، حيث يعرض حالياً على إحدى القنوات العربية، والعمل تأليف خالد حمام، وإخراج حسين شوكت، ويشارك فى بطولته بجانب ريهام حجاج كل من، محمد كيلانى، ولاء الشريف، شيرين، نور محمود، عمر الشناوى، عبير منير، وأحمد حلاوة، وليلى عز العرب.
