بعيداً عن الرياضة وملاعبها وصالات المنافسات هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققها، ويظهر فيه اهتمامهن بحياتهن الشخصية وهواياتهن.
نجمة اليوم هى بسنت حميدة لاعبة منتخب ألعاب القوى فكان معها الحوار التالى.
بسنت حميدة
ما هوايتك المفضلة بعيدا عن الرياضة؟
هوايتي المفضلة الرسم والتلوين والنوم كتير
ما الأكلة التى تتميزين فى ظبخها؟
بصراحة علشان طول الوقت بكون مسافرة أو فى التمرين و لم أحاول أطبخ كتير بس بعرف أعمل الحجات البسيطة زى الأرز والفراخ والبيض بس بيكون حلو جدا والله وبعمله بطرق كتير.
بسنت لاعبة المنتخب
من مطربك المفضل؟
تامر حسنى
بطلة المنتخب
لو لم تكونى لاعبة كنتى تتمنى تكونى أيه؟
كان نفسي أكون مطربة جدا بس صوتى مش حلو للاسف أو ممثلة
بسنت محمد
لما تتعاكسى فى الشارع ممكن تستخدمى العنف أم لا؟
لو اتعاكست لا أبدى اهتماما، لكن لو عصبنى لازم يتهزأ وكمان عىي حسب نوع المعاكسة لو اضطريت استخدم العنف معنديش مشكلة خالص.
مين من نجمات السينما كنتى تتمنى تكونى مثلها؟
بصراحه مفيش حد لأنى دايما بحس أن حياتهم مجرد مهنة مش أكتر بس أنا بحب فاتن حمامة جدا.
بسنت و السواريه
بتحبى الملابس الكاجوال ولا الفورمال؟
بحب الكاجوال
بسنت ومدربها
تفضلى الاربتباط بشخص رياضى أم غير رياضى؟
أنا مرتبطة بشخص رياضى بالفعل وهو مدربى.
لاعبة منتخب القوى
لو طلب منك شريك الحياة ترك الرياضة ما رد فعلك؟
بصراحة هو مستحيل يطلب منى أسيب الرياضة لأنه المدرب بتاعى ودائما بيتخانق معايا بسبب التمرين والحقيقة بعيدا عني لو أى شخص مرتبط بانسان ناجح سواء فى مجال رياضة أو عمل معين ومش دايما بيشجعه وبيدعمه أن يستمر فى نجاحه ويكون افضل يبقي الارتباط ليس له أي سبب من وجهة نظري.
بسنت فى باريس
