بعيداً عن الرياضة وملاعبها وصالات المنافسات، هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققها، ويظهر فيه اهتمامهن بحياتهن الشخصية وهواياتهن.
نجمة اليوم هى هالة وائل إمبابى لاعبة منتخب المصارعة، فكان معها الحوار التالى..
هالة فى الباص
ما هوايتك المفضلة بعيدا عن الرياضة؟
بحب الرسم جدا، وفى وقت فراغى بقعد أرسم.
لاعبة المصارعة هالة وائل
ما الأكلة التى تتميزين فى طبخها؟
المكرونة بالبشاميل.. مش بقدر أقاومها
لاعبة المصارعة
من نجمك المفضل؟
أحمد عز بحب كل أفلامه ومسلسلاته.
لاعبة منتخب المصارعة
من مطربك المفضل؟
أصالة صوتها فظيع مفيش أغنية مش بحبها ليها.
هالة امبابى
لو لم تكونى لاعبة كنتى تتمنى تكونى أيه؟
مهندسة ديكور لأنه عندهم ذوق مختلف ولمسة جمالية.
هالة بالحجاب
لما تتعاكسى فى الشارع ممكن تستخدمى العنف؟
أحيانا بستخدم العنف، ومرة واحد عاكسنى ومشى ورايا فى الشارع وقال كلمة ضايقتنى، كان جزاؤه الضرب بالقلم على وشه، وحاول يضربنى بس ملحقش وكان الضرب جزاءه.
هالة فى الباص
مين من نجمات السينما كنتى تتمنى تكونى مثلها؟
ياسمين عبد العزيز، خفيفة وبحب اتفرج على أعمالها الفنية.
هالة فى الجيم
بتحبى الملابس الكاجوال ولا الفورمال؟
الكاجوال أسهل وعملى أكتر.
هالة وائل لاعبة المصارعة
تفضلى الارتباط بشخص رياضى أم غير رياضى؟
غير رياضى.. ومن غير أسباب.
هالة وائل
لو طلب منك تسيبى الرياضة هتعملى أيه؟
طبعا مش هوافق لأن الرياضة هى حياتى.
