اقترح خالد أبو بكر، تنفيذ دورية راكبة للرقابة الإدارية على غرار وزارة الداخلية، قائلا:"كان زمان الداخلية عاملة حاجة اسمها الدورية الراكبة – لسه موجودة بس عاوزينها فى الأقاليم - كانت عربيات الشرطة تمشى فيها ضابط و2 أمناء شرطة، والضابط يتفقد الأمن، ليه متبقاش العربية دى من الرقابة الإدارية".
وأضاف أبو بكر، خلال تقديمه برنامج "الحياة اليوم"، على فضائية "الحياة": "فى الحالة دى مش هيشوف من نظرة واحدة، داه يشوف من عدة جهات، هينقل من الأرض لأعلى جهة، فى الحالة دى مش هحاسب المخالف، هحاسب رئيس حى، دا كل المحلات دى مخالفة، طيب فين الإنذارات وحق الدولة".
وأشار خالد أبو بكر إلى أن الرقابة الإدارية تختص بكل شئ يمكن لها مراقبة الجهاز الحكومى، والتكليفات الرئاسية، مردفاً: "يبقى عنصر الرقابة الإدارية ماشى فى كل شوارع مصر، وممكن يتم استيقافه ويتقال له شكوى ويحل مشكلة وقتية لأنه يمكن يكلم الداخلية والكهرباء والغاز لأن عنده السلطة".
