الخاين بشيلته.. أخطر تسريبات تكشف بالصوت والصورة حقيقة حركة "اطمن أنت مش لوحدك" وتبعيتها لأجهزة المخابرات المعادية والثمن مئات الآلاف.. تسجيل يفضح كيف يخطط "ياسر العمدة" لعمليات إرهابية ضد الجيش والشرطة

في ضربة كبيرة لجماعة الإخوان الإرهابية، وفضيحة جديدة من مسلسل فضائحهم الطويل، كشفت تسريبات بالصوت والصورة كيف تفكر هذه الجماعة في زعزعة استقرار مصر، حصل "اليوم السابع" على فيديو يتضمن مكالمات هاتفية بين عدد من أعضاء جماعة الإخوان الإرهابية لتنفيذ مخططاتها بالتحريض على الدولة المصرية وتأليب السوشيال ميديا ووسائل الإعلام بالتنسيق مع مخابرات دول معادية لمصر، ويكشف الفيديو الحقيقة الكاملة وراء الحركة الشعبية "اطمن أنت مش لوحدك" التى أطلقتها جماعة الإخوان الإرهابية.

بدأ الأمر فى أواخر عام 2016 بما يدعى "ثورة الغلابة" التابعة للإخوانى الهارب بتركيا "ياسر العمدة"، أحد مسئولى اللجنة الإعلامية لتنظيم طلائع حسم" المسلح التابع لجماعة الإخوان والذى تبرأ منه أهله لانضمامه للجماعة الإرهابية، يقول أخوه محمود عبد الحليم العمدة: "إحنا أسقطناه من حساباتنا لأنه خاين وجاسوس وإنسان يجب أن تسقط عنه الجنسية ولا يستحق أن يكون مصريا".

وبعد إحباط مخطط "ثورة الغلابة" قام بإنشاء ما يسمى بانتفاضة "اللهم ثورة" وقام الإرهابى ياسر العمدة بدعوة بعض أعضاء الجماعة الإرهابية بتصنيع قنابل لإلقائها على سيارات الشرطة وتصنيع أدوات تخريبية، ففى تسريب صوتى له قال نصا: "إزازة لتر من دى لو أترمت من فوق على مدرعة شكرا على كده هتولع فيها هتولع فيها مفهاش كلام".

ولجأ الإخوانى ياسر العمدة إلى مجموعة من الهاربين ومنهم شخص يدعى "أبو عمر المصرى" و"أحمد أبو عمار"، وأبو عمر المصرى انضم للجماعة الإرهابية فى أواخر عام 2016 وهرب من السعودية إلى إحدى الدول الأوروبية وتم إحباط مخطط اللهم ثورة، وأصبح ياسر العمدة كارت محروق، مما دفع إلى ظهور غيره، ألا وهو "أحمد أبو عمار" الذى يقول فى إحدى التسريبات الصوتية له: "طيب بالنسبة للنقاش النقطة هتكون بالنسبة للدينا بتاعة هانى صبرى اللى هو بتاع إذاعة "هنا الثورة" اللى أتكلمنا فيها قبل كدة بيقولى طيب أنا عاوز أعمل حاجة فكر فيها ورد عليا قولتله ماشى وقالى عايز نكون صفحة عددها يقدر بمئات الآلاف ونبدأ بـ100 ألف ولا حاجة ونكبرها، والشيخ خالد وأكثر من شخصية تتصدر المشهد فى الانتفاضة تمام لأن طبعا إحنا عارفين هو أصلا شكله فهم ههه الحوار كله بتاع ياسر تمام".

وتابع أبو عمار فى الفيديو: "قالى أنا فاهم الدنيا مع ياسر فاهم إنه مش هيطلع تانى والظهور والكلام ده كله وأنكم أنتوا مكملين، وقالى أنا عايز أسألك سؤال لو دلوقتى أنا هجبلك دعم يقدر بمئات الآلاف وده من دول كمان مش من أشخاص بعينها أو مش من أشخاص مصريين أصلاً يعنى، تمويل ودعم من دول وكمان ممكن تدى رواتب للناس اللى هتشتغل معاك وقالى نبنى صفحة كبيرة باسم الانتفاضة ويكون عددها كبير، وزى الشيخ خالد وكذا شخصية عامة يتبنوا الانتفاضة ويشتغلوا عليها ونقويها ونزودها وحتى الموضوع يتصدر عالسوشيال والإعلام وأنا بقولك أهو هجبلك دعم من دول مش من شخصيات كمان، أنا بس هضيف جزئية علشان الكلام يبقى كله تمام والكلام ده خاص بيك بس، وكمان قالى إن فيه توصل مع "المخابرات......"، والموضوع ده يعنى بيقول إحنا شغالين بناء على تواصل معاهم وإحنا شغالين علشان نبنى كيان ثورى كبير عالفيسبوك".

واستطرد الإرهابى أحمد أبو عمار: "إحنا شغالين على إننا نبنى كيان ثورى كبير جدا صفحته على الفيس تقدر بالمئات.. حاجات كثير جدا جدا تكون قوية وكبيرة.. وقالى هما اللى هيتولوا الموضوع دعم وحتى المرتبات.. تخيل قالى حتى لو معاك 100 ألف واحد على الأرض مرتب شهرى كل يوم هيدفعلوه".

 

وتجدر الإشارة إلى أن أحمد أبو عمار هو أحد عناصر الجماعات الإرهابية هارب بدولة ليبيا، ويعتبر الرجل الثانى بعد ياسر العمدة، أما هانى صبرى هو أحد أعضاء الجماعات الارهابية – هارب بقطر ومؤسس ما يسمى بـ"إذاعة هنا الثورة".

 

وأصبحت حركتا "اللهم ثورة و"إذاعة هنا الثورة" تحت مسمى جديد يدعى الحركة الشعبية المصرية، وأصبحت تحت قيادة كل من أبو عمر المصرى ممثلاً عن حركة اللهم ثورة وهانى صبرى ممثلاً عن حركة إذاعة هنا الثورة بناء على تعليمات وتمويل من الخارج.

 

وفى لقاء جمع محمد صلاح سعد، ضابط شرطة مفصول بسبب أفكاره المتطرفة – هرب إلى تركيا وانضم إلى الجماعة الإرهابية، وعلى أبو النجا، طيار مصرى هرب إلى أمريكا وأحد المسئولين عن تمويل الجماعة الإرهابية، مع ياسر العمدة من اسطنبول ضمن دعم الثلاثى لدعوة "اطمن أنت مش لوحدك"، قال على أبو النجا "إحنا فى لقاء ثلاثى من اسطنبول علشان ندعم أنت مش لوحدك".

 

وقال محمد سعد "إحنا طالعين ندعم حراك اطمن أنت مش لوحدك، مضيفًا "حد هيجى يساعدنا من بره أهلا وسهلا"، وقاطعه أبو النجا قائلا "كان عشمنا فى الناس دى أنها تقف معانا من 2016 لما كنا بندعو لثورة الغلابة وكان عشمنا جامد جدا فى محمد ناصر ومعتز مطر".

 

وقال ياسر العمدة: "النهاردة فى حاجة بتحصل لم تتم قبل ذلك.. إحنا تقريبا بدأنا نتوحد كل ما كان بيطلع فى أى نشاط أو دعوة ثورية أو بث مباشر.. الكل بدأ يتواصل مع بعض.. إحنا كلنا رجل واحد وماشين فى الاتجاهات ده".

 

وفى وصلة مدح للرئيس التركى أردوغان والرئيس المعزول محمد مرسى، قال على أبو النجا واصفا أردوغان: "الرجل الشهم المخلص الخلوق واللى عنده دين وإحساس وأخلاق ومبدأ.. بيدافع عن أى مظلوم.. الزعيم والقائد الرجل اللى أشرف وأطهر إنسان شافته البشرية هو والدكتور محمد مرسى فى الوقت اللى إحنا فيه".

 

واستكمل ياسر عمدة: "اللى بيهاجم أردوغان هو بيهاجم أمة.. تركيا مختلفة تمامًا عن مصر.. وإحنا لسة موصلناش لواحد فى الألف من الحضارة اللى وصلت ليها تركيا فى الـ10 سنوات اللى فاتت".

 

وقال محمد سعد: "يعنى أنت لو بتلعب شطرنج.. فمصر تقدر تحسبها عسكرى أو بالكثير طابية.. إنما الملك هى تركيا.. واللى متمثلة فى شخص طيب أردوغان اللى ربنا يحيمه وهو سبب وجود ناس كثير فى أمان ووجود الأمة كلها".

 

واستكمل "محمد مرسى كان عنده إخلاص لكن ربنا لم يكتب له الحكمة"، وقاطعه على أبو النجا قائلاً "وكان الشعب جاهل، والحاجة الوحيدة اللى بشهد ليها فى مصر للطيران أنى طرت بمحمد مرسى 4 مرات وده أكبر وسام شرف ليا فى حياتى كلها".

 

وتم كشف وإحباط مخططات الحركة الشعبية المصرية واطمن أنت مش لوحدك والتى كانت تهدف إلى نشر الفوضى وإثارة الشغب فى مصر.