شوف المغردين قالوا إيه عن انتظار أولياء الأمور أمام لجان الثانوية العامة

أدي طلاب الثانوية العامة امتحان اللغة العربية صباح اليوم، وسط حالة من الترقب والخوف من أولياء الأمور، الذين ينتظرون أمام اللجان تحت أشعة الشمس للاطمئنان على ذويهم، ويرى مستخدمو مواقع التواصل الاجتماعى أن ذلك يزيد من توتر الطلاب ويعمل على تشريد أذهانهم.

تنوعت التغريدات عبرهاشتاج "الثانوية العامة" الذى تصدر قائمة الأكثر تداولا على تويتر، حيث يقول محمد سعيد: "أنا أرى تواجد أولياء الأمور لانتظار أبناءهم أمام المدارس ظاهرة سيئة تزيد من توتر الطلاب وتشتيت الذهن وتعب للآباء والأمهات أكثر.. اجلسوا فى منازلكم وصلوا ركعتين وادعوا لأبنائكم أفضل وفقهم الله جميعا".

الثانوية العامة 

وغرد إبراهيم قائلاً:" الناس واقفة عند المدرسة اللي كنت بمتحن فيها في الثانوي دلوقتي.. سنة رعب للأهالى والله"، وقال محمد صبرى:" هو أنا بتوتر كده ليه كل ما اسمع سيرة ثانوية عامة أنا خلصت تعليم ربنا معاكوا يارب"، وفى نفس الإطار قال شافعى:" مناظر الأهالي اللى رايحة مع أولادها امتحانات الثانوية العامة و مستنينهم يخلصوا فى الشمس دي يصعبوا عليك أكتر من العيال نفسها والله ربنا يجبر بخاطرهم و يفرحهم بأولادهم يارب العالمين".

من جانب آخر، كتب محمود:"أقسم بالله الثانوية مش نهاية الطريق و الله ما نهاية الطريق ..طريقك يبدأ فى الكلية وطموحك وأنت عاوز توصل لايه بعدها و تكمل فى سوق العمل بأى شكل أيا كانت الكلية".

 

وسرد عدد من مغردى تويتر ذكرياتهم عن تلك اللحظة، قال يحيى:" كل ما يجي موعد الامتحانات بتاعت الثانويه العامه افتكر الضغط اللي كنت فيه لحد ما عرفت ان كلها محصله بعضها".

 

ومن جانب أخر غرد مستخدمى تويتر من طلاب الثانوية الأزهرية، قال محمد:" طب ليه احنا كثانوية ازهريه مفيش الكلام دا ليه.. مفيش مثلا الفصول المهمة الأسئلة المهمه تحس إن الضجة على الثانوية العامه أكتر من الأزهر رغم مفيش مقارنه بـ ١٪ غير إن احنا أصعب منهم بمراحل والله".