خالد أبو بكر لذيول الإخوان: صحفيو اليوم السابع عيلة واحدة وشاطرين و"بيلسوعوكم".. ويرد على أيمن نور: "هعزم محمد الباز فى باريس وهنشوف يتقبض عليه إزاى".. ويؤكد: "أصيبوا بالعته.. والحالة بتزيد مع قرب عيد الأضحى"

شن خالد أبو بكر، هجوماً حاداً على أيمن نور بعد تغريدته الأخيرة على "تويتر"، قائلاً: "طبعا خالد صلاح واليوم السابع ملسوعينهم".

وأضاف خلال تقديمه برنامج "الحياة اليوم"، على فضائية "الحياة": "عشان أنا اعرف بتوع اليوم السابع دول كويس جداً، لو حطوا حد فى دماغهم خلاص.. عيال شاطرة وبتعرف تتصرف وصحفيين مؤمنين باللى بيعملوه، وهم كلهم عيلة واحدة، كل اليوم السابع معظمهم متجوزين بعض وشوفنا لغاية الجيل التالت، يعنى خالد صلاح والأولاد والأحفاد حاطين الإخوان فى دماغهم".

وسخر "أبو بكر"، من تصريحات أيمن نور، :"أيمن نور كتب: ردا على خالد صلاح.. انتظر إجراء وشيك، ايه الإجراء اللى هيعمله أيمن نور اللى هربان فى تركيا ضد خالد صلاح فى مصر"، مردفاً:"ومن ناحية محمد الباز، واضح إن إخوانا فى الإعلام مظبطين العالم دى كويس فالضغط علي شوية".

وتابع:"قال أيمن نور: المحامى بتاعى فى القاهرة رفع عليك 51 قضية، أيمن نور اللى قاعد فى تركيا بيقبض فلوس ضد مصر، بيرفع 51 قضية هنا فى المحاكم المصرية، وبيقول لمحمد الباز لما تيجى داخل أوروبا هيتم القبض عليك لأنه قدم بلاغ ضده"، معلقاً:"انتو بتتعاملوا مع ناس مبتفهمش، الكلام دا تقولوه للإخوان، أيه الجهل اللى انت بتقوله ده، انت مصدق نفسك، مشوفتش جهل بالشكل ده، ودا يدل على أنه فلس خلاص".

واستطرد: "سافر بره كان فى لبنان تركوه من هناك وراح تركيا، ولو المم مجاش كل شهر، خلصت، هو الإحساس دا جايله، يعمل ايه، يطلع أى ورقة ويعمل أى هيصة، حاجة عجيبة، اللى هيجننى ازاى الناس دى مبتفكرش مستقبلهم بكرا هيبقى عامل ازاى.. على فكرة احنا مبنخلصش، وقاعدين ومكملين".

وأردف:"فى جبهة 30 /6، قد نختلف، ولكن لا يربطنا مصلحة خاصة، يعنى مثلا مش بدافع عن خالد صلاح، ومحمد الباز، لأنى بتربطنى بيه مصلحة حتى لو كنا أصدقاء، ولكن عندنا قرار واحد وهدف واحد"، موضحاً:"الموضوع مش اتفاق مكتوب، دى عقيدة، احنا وطنيتنا أكبر من أى حد ومحدش يزايد علينا".

واختتم:" بالمناسبة أنا هاخد محمد الباز وهعزمه على باريس فى أى وقت، ونشوف أيمن نور هيقبض على محمد الباز ازاى، أى عته، الإخوان أصيبوا بالعته، وأول ما عيد الأضحى يقرب بلاقى الحالة زادت جداً".