قالت الدكتورة نبيلة مكرم وزيرة الهجرة، خلال لقائها ببرنامج "90 دقيقة" مع الإعلامى محمد الباز المذاع على قناة المحور، نفتح ذراعينا لكل المصريين فى الخارج، وأضافت: مصر ترحب بمشاركة المصريين فى الخارج فى قطار التنمية ولابد من إشراكهم ونفتح ذراعينا لكل المصريين فى الخارج سواء أكانوا مستثمرين أو غير ذلك، ولكل من يستطيع مساندة مصر بأى شكل من الأشكال ماديا أو معنويا.
وأضافت وزيرة الهجرة: حرصت بعد "مصر تستطيع" أن أنزل مع المستثمر كرم خليل إلى مدينة دمياط وكانت زيارة ناجحة، المحافظ رتبلنا زيارة ممتازة جدا، وهذا المستثمر رجع بعد ما خلصنا المبادرة بعام ومعاه مستثمر أجنبى صديقه لأنه بيشتغل فى مجال الآثاث، وقولتله أنا هنزل معاكم مش بس متابعة ميدانية بس، أنا بحسسه إنى انا معاه فى كل الزيارات الميدانية الحاجات دى بتفرق معاهم جدا، أطلس الشمس اللى عمله الدكتور هشام العسكرى كنت معاه وهو بيعرض فى بدايات الموضوع خالص قدام الوزير على الرغم إنه مش تخصصى.
وتابعت: بعد ما بنخلص جزء من الإنجازات بنعمل مؤتمر ومش وزارة الهجرة هى اللى بتتكلم لكن كل الوزارات التى استفادت من كل مصر تستطيع بتطلع تتكلم.
