أعرب الفنان عابد عنانى مجسد شخصة التكفيرى عماد فى مسلسل "الاختيار"، عن سعادته الشديدة وفخره لتكريم الرئيس عبد الفتاح السيسى له بصحبة أبطال مسلسل "الاختيار" ذلك خلال الندوة التثقيفية للقوات المسلحة الـ 32 التى أقيمت اليوم الأحد، وقال عابد عنانى لـ "اليوم السابع"، "كلنا واحنا واقفين قدام الرئيس نشعر بفخر شديد وسعادة لتكريمه لينا، كلما تعبنا أن الرسالة توصل ووصلت لكل الناس ولمسنا التأثير اللى حصل بعد عرض المسلسل والناس كلها تعبت وكانت مخلصة في العمل أمام الكاميرا ووراء الكاميرا والحمد الله الرسالة وصلت، وطلب سيادة الرئيس اتحقق بعد تكريم أبطال فيلم الممر فى احتفلات أكتوبر العام الماضى وطلب أعمال كثيره مثل الممر وأعمال وطنيه و بعد 6 شهور اتحقق وتم تنفيذ الاختيار لسه الجزء الثانى لعرض قصة بطل آخر من أبطالنا".
وقدم الرئيس عبدالفتاح السيسى، الشكر لأسرة مسلسل الاختيار، قائلا: "الشكر ليكم مش على الجهد اللى بذلتوه، على الفكرة اللى قدمتوها كانت رائعة وعظيمة، وعاوز أقولكم أن احنا خلال سنين كتيرة من تناول إعلامى لموضوعات بتتم فى سيناء لم تصل للناس لنفس المستوى اللى انتوا فى خلال الشهر ده قدرته توصلوه".
وأضاف الرئيس خلال تكريم أسرة مسلسل الاختيار، خلال الندوة التثقيفية الـ 32 للقوات المسلحة :"المطلوب كتير قوى لان احنا دلوقتى موجودين وانتم عايشين اللحظة اللى بتحصل فى سيناء وحجم الإنجاز اللى ربنا ساعدنا فيه وكنا فين فى 2012 وبين دلوقتى، وبالتالى حق الأجيال الحالية والقادمة والأحفاد كمان إنهم يشوفوا مش نضال المصريين للحفاظ على بلدهم، لا، يشوفوا أد ايه مصر قدمت، لان "المنسى" واللى زيه هما عند ربنا خلاص وربنا سبحانه وتعالى اللى هيجازيهم، لكن يبقا أن إحنا ننقل صورتهم وكفاحهم واستشهادهم لك بيت مصر أولا عشان نقول لكل بيت قدم شهيد متشكرين على اللى انت قدمته فيه أسر فقدوا وافتقدوا أبنائهم أو حتى أصيبوا فبرضه هيعيش مع إصابته طول عمره".
