قال الممثل الشاب تيام مصطفى قمر، التكنولوجيا والامكانيات الحالية في جيله، جعلت كل المهن أصعب من جيل والدى، وبقى لازم الواحد يعمل حاجة جامدة أوى وجذابة عشان يقدر تلفت النظر.
وأضاف تيام خلال لقائه مع والده النجم مصطفى قمر في برنامج "معكم" تقديم الإعلامية منى الشاذلى المذاع على Cbc، والدى في منتهى الحنية بيسيبنى أنام براحتى لما يشوفنى قاعد بذاكر كتير أو وقت ما أصحى بدرى في الشتاء بيكون صعبان عليه يصحينى.
فيما قال النجم مصطفى قمر، أنا مكنتش بحب اذاكر ولأنى طلاما فهمت يبقى خلاص لأنى مش بحب الحفظ، وأنا جيبت مجموع يدخلنى كلية هندسة أقاليم ووالدى رفض يودينى بلد تانية فقالى أدخل تجارة بقى وخلاص وتخصصت إدارة أعمال.
وأشاره نجله تيام إلى أن تجربة مع الهندس كانت 24 ساعة فقط قائلا، دخلت أنا وبابا وبعد ما قابلنا حد في المكتبة وإحنا ماشيين فلقينا 3 طلاب نايمين في الأرض ولما سألناهم نايمين ليه فاكتشفنا من تعب وإرهاق الدراسة واكتشفنا أنهم في كلية هندسة فقررنا إني مش هادخل هندسة بقى، وأنا أصلا ميولى من البداية ليها علاقة بالفن.
وطرح النجم مصطفى قمر، مؤخرا أغانى ألبومه الجديد "لمن يهمه الأمر 2" الذى يضم 7 أغانى وهى "مسافر" و"عجوز فى المدينة" و"دقى عودك" و"حبك على جبينى" و"سوسنة" و"حنونة" و"هغنيلك"، عبر قناته الرسمية على يوتيوب.
وتعاون قمر فى الألبوم الجديد مع عدد كبير من الشعراء وملحن واحد فقط، ومن الشعراء رضا زايد والراحل سامح العجمى، ولحن مصطفى قمر عدد من أغانى الألبوم، وشارك أشرف السرخوجلى فى الألبوم بتلحين عدد من الأغنيات أيضا، والألبوم بشكل كامل من توزيع مصطفى قمر.
