أكد الدكتور سعد الدين الهلالى، إن كل شخص مؤمن يرغب فى التجارة مع الله، ولا يتاجر بالدين على الناس، قائلا: "كل واحد يتاجر بالدين مع الله لكن ماينعفش نتاجر بيه على بعضينا، ولو عندك معلومة دينية قولها لغيرك، وأنك تنفع الناس بالمعلومات، والمتلقى هو اللى يشوف الطريق والمبدأ اللى يتقرب بيها إلى الله، يبقى كدة مفيش تجارة بالدين".
وأضاف خلال برنامج "كن أنت" المذاع على القناة الأولى المصرية: "الفساد المالى ليس بالرشوة فقط، وإنما الأخطر لو أن الثروة القومية مش عارفين قيمتها، والفساد الأكثر أن الأرض الزراعية اللى بتطلعلنا الأكل اللى بناكله، نبنى عليها، هتخلى الدولة تروح تزرع فى الصحراء، وعلشان تعمل كدة هتحتاج مياه واستصلاح، وده مكلف جدا رغم أن ربنا منحنا أرض زراعية، والأرض الزراعية دى لو ماكناش نعرف قيمتها ده فى حد ذاته فساد".
وتابع: "لو روحت الدول الأوروبية المتقدمة، هتلاقى كل مواطن عارف قيمة وحق الدولة عليه كويس جدا، وبالتالى مابيكونش فى مشاكل فى التعامل ما بين الحكومات والمواطنين، وبتحس بالالتزام وأنت ماشى فى الشارع لما بتشوف سلوكيات الناس وشكل بيوتهم والتزامهم بكل القوانين والقواعد".
