كشف الكاتب نبيل فاروق، رائد الأدب البوليسى، عن علاقته بالفنان أحمد عز، وقال: "اخترت أحمد عز للتمثيل لـ"رجل المستحيل" من صور فى مكتب ريجيسير قبل 21 سنة، وبعدها ارتبطت بينا صداقة، مضيفًا، عز كان يأخذ رأيى فى عدد كبير من أفلامه فى بداية علاقته بالمجال، وأنا واحد من الناس اللي بيكتب الرواية ومكتبش السيناريو".
وأضاف خلال لقاءه مع الإعلامي عمرو خليل والإعلامية ريهام إبراهيم ببرنامج "من مصر" الذي يذاع على قناة cbc: "حضرت تصوير العميل 1001 كاملا، والمخرجة شيرين عادل مخرجة العمل كانت مميزة وبتعمل روح حلوة للمكان كله، وخلت العمل كله لطيف، ولكن كان فى ظروف انتاجية تانية خلت أن العمل ميطلعش زى ما كنا عاوزين، واضطرينا أننا نضغط العمل علشان رمضان".
وعن نبوءته بتفشى فيروس قاتل مثل بصمة الموت فى روياته، قال: "أنا كنت بذاكر وبتابع، وسنة 89 كتبت ما البديل، ودى كانت عن الاستنساخ، والناس مكنتش تعرف فى الوقت ده حاجة عن الاستننساخ، وبعدها بسنين الناس عرفت الاستنساخ بشكل علمى لما شافوا النعجة دولى، وتنبوء الفيروس كان تنبوء علمى، لكن احنا مش بنفتح المندل، لكن هيجى عليه يوم ويتوقف ويتكسر وده أمر طببيعى جدا".
