قالت النجمة منة شلبى، فى حاجة بتعصبنى الناس اللى بتكون مهتمة تدخل على الصفحة بتاعتى عشان تشتمنى ودى حاجة بايخة ومنتهى السخافة ورخمة جدا وانا شايفة أنه مضيع من وقته دقيقتين عشان يضايقنى ولكن أنا فرحانة وبحترم اللى بعمله.
وأضافت منة شلبى خلال الندوة التى تناولت قضية تمكين المرأة المقامة ضمن فعاليات مهرجان الجونة السينمائىن أكيد مش هاضيع من عمرى دقيقتين عشان أشتم واحد ناجح، لابد أن يحدث تغيير في المجتمع وينظر للمرأة بشكل أفضل، ده موضوع طويل جدا ولكن الحل الوحيد من وجهة نظرى ايمانك بنفسك ، وانا عندى من الحرية والجراءة والاحترام إنى أكون لابسة اللى يريحنى طالما لا يضر عين أحد.
وتابعت، أما من ناحية التمثيل، أنا عندى الجرأة والاحتراف انى بعمل شخصية تانية غيرى فأكيد هالبس لبس مش بتاعى، وحضرتك مش عاجبك دورى بلغنى ومن حقك متدخلهوش ولكن مش من حقك تدخل تهزقنى عشان دور
وعقد مهرجان الجونة السينمائي فى دورته الرابعة اليوم الإثنين، ندوة بعنوان تمكين المرأة، ضمت كل من المخرجة جيهان الطاهري و المخرجة نجوي نجار والنجمة منة شلبي و صانعة الافلام دورثي مايرامي كيللو، وأدرات الندوة الإعلامية ريا أبي راشد وذلك في سينما أودي ماكس، وشهدت الندوة حضور كل من شيرين رضا، ولقاء الخميسي، والمستشار التنفيذي لمهرجان الجونة عمرو منسي، وتارة عماد، وهدى الأتربى، وهدى المفتى.
تم أضافة تعليقك سوف يظهر بعد المراجعة