من داخل مهرجان الجونة السينمائي نستعرض لكم كواليس النجوم الحصرية على تليفزيون اليوم السابع، اعتادنا الاهتمام بإطلالات الفنانات وفساتينهم اللي بتكون متألقة بشكل كبير على الريد كاربت لكن عمرنا ماسمعنا عن بدل النجوم ودي الحاجة الغريبة اللي قررنا نكلمكم عنها النهاردة هنقولكم أبرز الإطلالات وانتو احكموا كانوا شيك ولا لا.
الفنان خالد النبوي كان من أبرز النجوم اللي ظهروا بشكل جديد ومختلف وكان لافت للأنظار بشكل كبير على الريد كاربت ببدله توكسيدوا.
الفنان آسر ياسين كان ظاهر ببدلة مشجره البليزر بتاعها كان مشجر عشان كده لفت الأنظار بشكل كبير على الريد كاربت
أما الفنان الشاب أحمد مالك دايما بيظهر بإطلالات مختلفة جدا بتلفت له الأنظار، ظهر في اليوم الأول ببدله مقلمه وشيميز مقلم وكرافات مقلمه علشان كده بعض الناس استغربت اللوك والبعض الاخر حبيته واتكملوا عنه على السوشيل ميديا بشكل كبير جدا.
كما حضر في اليوم التاني في عرض فيلمه The Furnace ببدله لونها بيج كانت شوية أوفر سايز علشان كده بعض الناس استغربت اللوك لكن احنا خلاص اتعودنا من أحمد مالك من إطلالاته المختلفه اللي مبقتش تصدمنا.
خلونا كمان نكلمكم عن الفنان باسل الخياط اللي كان ظاهر بإطلاله مختلفه على الريد كاربت كمان لفتت له الأنظار بشكل كبير جدا خصوصا أن باسل عنده وسامه من نوع خاص.
