أكد الإعلامى عمرو أديب، أنه لن يكون هناك لقاحا قبل نهاية هذا العام، ولن يكون أمنا إلا نصف العام القادم أو نهايته، مضيفا: "على فكرة بالأرقام اللى بنسمعها يوميا فى أوروبا، هى الموجة التانية رسمى، وبقولكم، الآن أسمع عن ناس قريبة جدا ليا جالها كورونا، وكان بقالنا شهرين أو ثلاثة ماكنتش بسمع إنما دلوقتى الوضع والله مختلف فى اليومين الثلاثة اللى فاتوا، وبسمع أسماء لفنانيين وأطباء وأصدقاء".
وأضاف عمرو أديب خلال برنامج "الحكاية" المذاع على قناة mbc مصر: "فى ناس دلوقتى بدأت تكلمنى زى الأول يسألونى عن المستشفيات، وليست الزيادة زى فرنسا وأمريكا، لكن أنا بحذر من بدرى، وإذا كان ربنا مدينا النعمة دى وأن الأرقام مش ضخمة، يبقى لازم ناخد بالنا، ومنظمة الصحة العالمية حذرت من أن مصر أعداد الإصابات فيها هتزيد الفترة الجاية".
وتابع أديب قائلا: "مافيش حد فى أمان، هذا وباء، ماتجربوش الوباء، ماتلعبش مع الأسد، موضوع كورونا مابقاش بس خطر عالصحة، بقى خطر على أكل العيش كمان ولن نحتمل الغلق مرة أخرى".
تم أضافة تعليقك سوف يظهر بعد المراجعة