يحتفل العالم اليوم 16 من نوفمبر بيوم الأكلات السريعة "الفاست فود"، والتي يحبها الكثيرون منا، من الكبير للصغير، وتصل لدرجة العشق بالنسبة للفتيات، اللائي يجدن استمتاعا من نوع خاص فى أكلها، ويقال إنه فى أسوأ حالاتهن النفسية غالبًا ما يلجأن للأكلات السريعة لتغيير مزاجهن.
![سندوتش سندوتش](https://img.youm7.com/ArticleImgs/2020/11/16/64347-سندوتش.jpg)
سندوتش
ولأن الفتيات كثيرًا ما يلجأن للطعام لمداواة الجروح العاطفية، طرحنا سؤالاً على عدد من الفتيات فى يوم "الفاست فود": إذا أتيحت لكِ فرصة استبدال الإكس بأكلة سريعة ماذا تكون؟ فقالت أسما. ح 27 حاصلة على بكالوريوس: "انا كدة هجيب 3 وجبات عشان هما 3 إكسات، هبدل واحد منهم بشاورما، والتاني بدوناتس، والثالث هخليه لليوم الفري بتاع الرجيم"، وعن سبب انفصالها 3 مرات قالت: "كانوا مشتركين في عيب واحد وهو الخيانة، مفيش ست تتقبل الخيانة، خصوصا اني ارتباطي لكل واحد فيهم كان بعد فترة من البعد عن التاني، وفى كل مرة كنت بكتشف الخيانة بسهولة".
![شاورما شاورما](https://img.youm7.com/ArticleImgs/2020/11/16/83780-شاورما.jpg)
شاورما
أما هدى. ص 24 خريجة كلية تربية فقالت: "هبدل الإكس بتاعي بسوشي، اصله كان غالي عليا اوي، وكان كريم وحنين، وعندي اكس تاني ده هبدله بحواوشي، عشان كان بخيل حتى في مشاعره"، وتابعت: " الأصعب اني نفسي انسى الأذي اللي اتسببوا فيه، لكن انا مسامحاهم".
![سوشي سوشي](https://img.youm7.com/ArticleImgs/2020/11/16/66762-سوشي.jpg)
سوشي
![حواوشي حواوشي](https://img.youm7.com/ArticleImgs/2020/11/16/106778-حواوشي.jpg)
حواوشي
إسراء .ا 34 عامًا موظفة جاءت إجابتها مختلفة بعض الشيء حيث قالت: "الراجل لما يتحول لإكس بيترمي من الذاكرة أساسا، ولا نقدر نبدله ولا حتى نتخيله، ومافيش ست عاقلة تفكر في الإكس بعد ما تسيبه"، وتابعت: "لو فيه فرصة استبدل الاكس بتاعي هبدله بأكلة حلوة هطلعها لله، عشان تكفر عن ذنوبه".
الحياة دائما تصنع من البعض روح فكاهية بالرغم من الألم والحزن، خاصة الحزن الناتج عن فرق وبعد من نحب فقالت ايمان. م 28 عام تعمل مدرسة: "احلى حاجة ابدل بيها الاكس وجبة برجر كومبو لارج، ما انا مبقاش مجروحة وأطلب أكله مش بحبها، وهخليه يوم فري عشان خاطر عيونه كمان، وهحلي بتشيز كيك".
![كومبو لارج كومبو لارج](https://img.youm7.com/ArticleImgs/2020/11/16/69334-كومبو-لارج.jpg)
كومبو لارج
![تشيز كيك تشيز كيك](https://img.youm7.com/ArticleImgs/2020/11/16/57078-تشيز-كيك.jpg)
تشيز كيك
تم أضافة تعليقك سوف يظهر بعد المراجعة