رحبت النجمة إسعاد يونس فى بداية الحلقة من برنامج "صاحبة السعادة"، بالفنانة روجينا وزوجها الدكتور أشرف زكى نقيب المهن التمثيلية، قائلة: "النهاردة فى ضيافة قصة حب جميلة ومشوار كفاح طويل من وهما صغيرين حتى الآن".
وتحدث الدكتور أشرف زكى عن قصة حبه لزوجته روجينا، وكيف وقع فى حبها من أول لحظة عندما شاهدها فى المعهد مع والدتها، قائلاً: "شوفتها جميلة ومؤدبة وبنت ناس وحلوة وأول ما شوفتها قولت هتجوزها وبعد ما اتعرفت عليها قولتلها هروح أعمل عمرة وارجع أتقدم ليكِ عالطول، وبعد ما رجعت من السفر على وقتنا كان مفيش موبايل ومعرفتش أوصل لبيتها لحد ما قالت صحبتها ووصلتنى ليها واتفقت مع صحبتها تطلع وتنزلها وفضلت قاعدة عندها ٤ ساعات وقالتها تعالى نزلينى وأول ما نزلت روجينا لقيتنى فى وشها واتصدمت وقاعدت اكلم معاها فى العربية أنى عاوز اتجوزك وحطيت خطة لحياتنا" ثم قاطعته روجينا قائلة: "ولحد دلوقتى مشين على الخطة اللى حطها من زمان".
وأوضحت روجينا، أن أشرف زكي كان يعمل معيدًا بالمعهد، وله شعبية بين الطلاب، وعندما رآها أول مرة عرض عليها أن تشاركه بطولة مسرحية فوافقت، مشيرة أنه كان يحاول التقرب منها بشكل ضايقها في البداية، فقالت له: "لا بقولك إيه مش كل شوية تقولي تعالي اتكلم معاكي، لا لما البروفات تبدأ قول لي وأنا هجيلك هناك" ليرد عليها أشرف زكي غاضبًا: "خلاص أوقفي الحديث" وبعدها استبدلها بالفنانة حنان ترك التي قدمت دورها.
وقال الدكتور أشرف زكى، إن زواجه من روجينا قصة كفاح، وأنه بداء معها من الصفر حيث لم يكن يملك شىء وقتها واسترجع الزوجان ذكريات خطوبتهما وقال أشرف :"وقت الخطوبة جه أشرف عبد الباقى قالى عندى مسرحية وهبعتلك فقرة للخطوبة، جه مطرب شعبى بعته أشرف اترسم عاليا أوى، ولما شاف فرقة حسن الأسمر وفرقة مدحت صالح داخلين قال هفضل قاعد، والحمد الله كل اللى عزمناهم جم".
كما سخرت روجينا من شكلها و قت الخطوبة، قائلة:"كنا شكل وبقينا شكل وضربة شعرى والفستان غريب أحمر وأبيض، ثم قال أشرف زكى: أنا فاكر أوى الفستان جبناه من فين من العبودى، المستشارمرتضى منصور قالى هات الفستان من هناك".
وأكد الدكتور أشرف زكى، أنه ضد أى فنان يتجوز فنانة ثم يقعدها بعد الجواز، قائلا:"ضد أن ممثل يتجوز ممثلة ويقولها قعدى فى البيت هى مكنتش بتعمل حاجه غلط دى موهبة من عند ربنا، أنا اتقدمت لروجينا وهى عندها طموح تبقى ممثلة ناجحة وشاطرة لازم اقف جنبها واشجعها ".
كما روى تفاصيل شراءه بدلة الخطوبة، قائلا:" قبل يوم واحد من الخطوبة نزلت مع وحيد سيف، ندور على البدلة لفينا دخلت محل لقيتها وقتها 500 جنيه قلت له غالية أوى روحنا محل تانى لقيت واحدة حلوة ومضبوطة قام وحيد سيف جابها ليا هدية الخطوبة".
ثم تحدثت روجينا عن هدية فؤاد خليل لها أثناء شراء الشبكة، قائلة:" دخلت المحل اشوف الشبكة فضل يقولى دورى على حاجه حلوة لحد ما لقيت اللى عجبنى وجبهولى هدية، مضيفه كان فنان جميل جدا".
وتابعت روجينا: بعد الخطوبة اتخانقنا جامد أنا وأشرف بسبب أنى رقصت كتير، مضيفة:" حدف ليا الدبلة وفسخنا بس تانى يوم اتصالحنا علطول ولا كأن فى حاجه حصلت"، وأضاف الدكتور أشرف زكى، وقت الجواز كنت راجع من أمريكا و كلمت الخال سامى العدل قلتله: عاوز اتجوز و قالى متشلش هم ابدا، وعملنا الفرح وكنت أنا وروجينا بنشتغل الحب الكبير، لتدبير النفقات، مشيرًا:"الإيجار كان 300 جنية و الله معرفش كنا بنجيب الإيجار منين ".
كما وجهت النجمة إسعاد يونس، عدد من الأسئلة السريعة للثنائى أشرف زكى و روجينا، حيث سألت روجينا عن أكتر أكلة أشرف بيكرها، لترد السبانخ، ثم وجهت سؤال لأشرف عن عمل لروجينا كان اسمها سامية، قائلا:" حكايات زوج معاصر"، ووجهت لروجينا سؤال فيلم أشرف المفضل لترد بدون تفكير "إمبراطورية ميم"، ثم ضحت إسعاد قائلة:" ايه ده مش بتغلطوا عارفين بعض اوى".
وسألت أشرف هل روجينا طباخة ماهرة، رد قائلا:"روجينا ست بيت شاطرة وبتحب البامية بلحمة الضانى"، كما وجهت لروجينا سؤال مسرحية اخراجها وبيحبها ردت قائلة:" شفيقة و متولى".
ثم قال الدكتور أشرف زكى: "روجينا رفضت فى البداية دور اجلال فى سبق الاصرار و مكنتش عاوزة تعمل الدور واقنعتها بأهمية الدور، كما رفضت فى البداية ايضا دورها فى البرنس".
وأضافت روجينا،: "كنت مش هعمل البرنس ونصائح أشرف مهم جدا ليا انا عاطفية جدا واخاف الناس تكرهنى، لكن أشرف راجل اكاديمى و فاهم ودائما بيقنعنى، والمخرج محمد سامى خطوة مهمة فى حياتى و بحب العمل معه".
وروى الدكتور أشرف زكى، نقيب المهن التمثيلية، عن رفض زوجته روجينا لدورها في مسلسل البرنس، قائلا: في الأول رفضت وكانت خايفة الناس تكرها وكنت أول مرة أشوفها كده في تاريخها بعد التصوير ترجع تعيط "، ثم قالت روجينا:"كنت قلقانة وحاسة بفشل ذريع ومش راضية على نفسى وبعد مشهد ليا من كتر الضغط ومش قاردة قولت جالى كورونا ولكن طلعت الحمد الله كويسة".
وقال أشرف زكى،: "روجينا تطورت كثيرا من هوانم جاردن سيتى لمسلسل البرنس وبقت اجتماعية جدا وموهوبة أوى ولما اتعرض عليها دورها في مسلسل سبق الإصرار قولتها القطر ماشى وناقص آخر عربية في القطر لازم تركبى وتنطى فيه وفعلا مع سبق الإصرار كان مرحلة جديدة في تاريخها" لتقاطعه روجينا قائلا:" محمد سامى خلانى بقى عندى جراءه".
وبعد ذلك سألت إسعاد يونس روجينا قائلة:" في البيت شايفة أشرف زكى ازاى نقيب في البيت و لا لا"، لترد قائلة:" انا عرفت أشرف وهو في النقابة بمسئولياته وكان بيخرجنى في النقابة وجات فترة غيرت من النقابة وقولتله انت بتحبها أكتر منى وبعد كده قولت النقابة بتبسطه هتبسطنى وربيت بناتى"، ثم تحدث أشرف زكى أنه من مشجعين فريق الزمالك ولكنه يحب محمود الخطيب جدا وعنده ثقافة الاختلاف".
تم أضافة تعليقك سوف يظهر بعد المراجعة