علق المطرب الشعبى محمود الليثى، عن "نمبر وان" الطرب الشعبى، قائلا، "أولا مدرستنا الكبيرة ومش هتتغير لغاية لما نموت الأسطورة أحمد عدوية، ولما نيجى نتكلم عن المطربين الشعبيين لازم نخرج حكيم من وسطينا لأن حكيم عالمى، ودى مش دبلوماسية وحكيم نفسه سألنى السؤال ده وقلت له أنت متقارنش نفسك بأى حد بيغنى خالص، لأنك عالمى وقلتله، وأنت نوبل وأنت اللى شرفتنا في النرويج، وأنت التاريخ، وأنت النيزك اللى ضرب الأرض".
وأضاف خلال استضافته فى "تليفزيون اليوم السابع"، حاجة تانية حكيم الأيقونة اللى هي رمز لمصر ومينفعش يتصنف شعبى لأن حكيم حالة واحدة زى عبد الحليم ومحمد عبد الوهاب، ونوتة حكيم عزفها فرقة أوركسترا سيمفونى في النرويج وعمل أغنية مع جيمس براون، أما مدرستنا الكبير هو النجم أحمد عدوية هو اللى أكلنا عيش بعد ربنا سبحانه وتعالى، وأنا دمى بيجرى فيه عدوية، وكفاية أنه وافق إنى أقف جنبه أغنى وهو كان مانع حد يغنى جنبه.
تم أضافة تعليقك سوف يظهر بعد المراجعة