لم تجف دموعها منذ يوم 5 مايو الماضى، حين أعلنت مستشفى العزل بأبو خليفة بمحافظة الإسماعيلية وفاة الفنانة رجاء الجداوي بعد إصابتها بفيروس كورونا "كوفيد 19"، "سامية" أمين سر واليد اليمنى للراحلة فى حوار لها مع "اليوم السابع"، روت تفاصيل وأسرار حياة ملكة "الشياكة".
تعود سامية بالذاكرة ما يقرب من 48 عامًا، حين كانت تقف أمام محل للبقالة تبكى خائفة من العائلة التي كانت تعمل لديها، بسبب بعض المشتريات التي قد اشترتها بالخطأ، فجأتها يد من خلفها تربت على كتفها، وتسألها عن سبب بكائها، وتعرض عليها أن تترك تلك العائلة القاسية دائمة الضرب والإهانة لها، وأن تعمل لدى أختها.
![صور عائلية للراحلة رجاء الجداوى (1) صور عائلية للراحلة رجاء الجداوى (1)](https://img.youm7.com/ArticleImgs/2020/12/11/53324-صور-عائلية-للراحلة-رجاء-الجداوى-(1).jpg)
صور عائلية للراحلة رجاء الجداوى
تقول سامية:" أنا بشتغل من صغرى، وقبل ما اشتغل عند مدام رجاء كنت شغالة عند ناس بيعاملونى بقسوة شديدة، وكانوا بيفصلوا هدومهم بنفسهم، كنت أروح أجيب مجلة حواء كل أسبوع وأشوف صورة مدام رجاء على الغلاف، كنت أقولهم لو اشتغل عند الست دى أنا بحبها قوى، كانوا يقولوا لى أنت إيه وصلك للست دى أنت عارفة هي مين؟ لحد ما ربنا حققلى أمنيتى، وقتها كان عندى 12 سنة، أول ما سمعت أخت مدام رجاء بتقولى أنا أختى عارضة الأزياء رجاء الجداوى فضلت أصرخ من فرحتى، عرفتنى عنوان بيتها وقلتلها هجيلك بعد أسبوع".
![صور عائلية للراحلة رجاء الجداوى (1) صور عائلية للراحلة رجاء الجداوى (1)](https://img.youm7.com/ArticleImgs/2020/12/11/53324-صور-عائلية-للراحلة-رجاء-الجداوى-(1).jpg)
صور عائلية للراحلة رجاء الجداوى
وكانت هذه بداية حياة جديدة للطفلة التى عشقت ملكة الموضة دون أن تعرفها، فتابعت سامية: " كنا أول يوم رمضان رحت بيت أختها وبعد ساعة لقيت مدام رجاء دخلة عليا وشايلة أميرة بنتها، حسيت إن الدنيا كلها جاتلى، سلمت عليا وحضنتنى وبعدها رحنا على البيت، أول ما دخلت بيتها فى الدقى حسيت براحة كبيرة، وبدأت حياتى من جديد في حضن الطيبة والجنينة رجاء الجداوى".
![صور عائلية للراحلة رجاء الجداوى (2) صور عائلية للراحلة رجاء الجداوى (2)](https://img.youm7.com/ArticleImgs/2020/12/11/55514-صور-عائلية-للراحلة-رجاء-الجداوى-(2).jpg)
صور عائلية للراحلة رجاء الجداوى
للراحلة طقوس يومية كانت تحرص عليها، حيث قالت سامية: "رغم أن البيت كان فيه شغالين كتير، إلا أنها مابتسمحش لحد يدخل أوضتها غيرى، لازم أكون أول واحدة تشوفها الصبح، أصبح عليها وبعدين أعملها الشاي باللبن على ما تصلى وتقرأ القرآن، وبعدها بساعة أعملها شاى ولبن تانى، وبعدها بساعة تبدأ تفطر، كان فطارها بسيط ساندوتش جبنة مقمر على النار كويس، كانت بسيطة فى كل حاجة، وبشوشة، وأحب الأكلات لقلبها الملوخية والبامية والمسقعة الحارة، لكن طبعًا الشوربة لازم تكون على السفرة مع خضار سوتيه، اتعودت عليه من أيام عروض الأزياء مع الفراخ المسلوقة".
![صور عائلية للراحلة رجاء الجداوى (3) صور عائلية للراحلة رجاء الجداوى (3)](https://img.youm7.com/ArticleImgs/2020/12/11/47124-صور-عائلية-للراحلة-رجاء-الجداوى-(3).jpg)
صور عائلية للراحلة رجاء الجداوى
وتابعت مساعدة الراحلة رجاء الجداوى: "حياة الفنانة كانت مختلفة عن الآخرين أهم حاجة عندها البيت وأميرة والكابتن، ما كانتش بتعمل حفلات فى البيت غير أعياد ميلاد العيلة بس، كانت تحب البيت وتهتم بكل تفصيلة فيه".
![صور عائلية للراحلة رجاء الجداوى (4) صور عائلية للراحلة رجاء الجداوى (4)](https://img.youm7.com/ArticleImgs/2020/12/11/60097-صور-عائلية-للراحلة-رجاء-الجداوى-(4).jpg)
صور عائلية للراحلة رجاء الجداوى
الكثيرات من أهل الفن يعشقن الفنانة الراحلة والتى كانت بالنسبة للجميع إما أخت أو أم، ولكنها كانت تحتفظ بصداقة عمرها مع اثنين فقط تحدثنا عنهم كاتمة سرها ومساعدتها سامية، قائلة:"أصحابها الأنتيم دلال عبد العزيز وميرفت أمين، هما الثلاثة كانوا حاجة واحدة، حتى فى "مج" فى بيت الدقى عليه صورهم هما الثلاثة ومكتوب عليه إحنا ثلاثة ونزعل أوى لو نبقى إثنين".
![صور عائلية للراحلة رجاء الجداوى (5) صور عائلية للراحلة رجاء الجداوى (5)](https://img.youm7.com/ArticleImgs/2020/12/11/41356-صور-عائلية-للراحلة-رجاء-الجداوى-(5).jpg)
صور عائلية للراحلة رجاء الجداوى
لم تكن سامية المساعدة الأولى للفنانة رجاء الجداوى وكاتمة أسرارها فقط، بل ظلت فترات طويلة هى "اللبيسة" التى تصاحبها فى جميع أعمالها سواء عروض الأزياء أو المسرح أو تصوير الأفلام، تقول اليد اليمني للراحلة: "الألوان المفضلة للفنانة كانت الأسود والأزرق الملوكى، كانت تسأل المخرج عن الديكور وألوانه، عشان تحدد ألوان ملابس الدور اللى هتقوم به، الهدوم دى كانت للشغل بس ماكنتش بتستخدمها فى البيت، كان لها الأيس بوكس المخصوص لها فى الشغل بردوا للشغل بس يطلع مع كل دور جديد ويفضل فى الأستوديو".
![صور عائلية للراحلة رجاء الجداوى (7) صور عائلية للراحلة رجاء الجداوى (7)](https://img.youm7.com/ArticleImgs/2020/12/11/68215-صور-عائلية-للراحلة-رجاء-الجداوى-(7).jpg)
صور عائلية للراحلة رجاء الجداوى
وتكمل سامية: "بعد ما مشيت مابقتش بحس بأى حاجة فى الدنيا، كانت مهتمة بيا وبصحتى، حججتنى وحجزتلى فى حج سياحى قعدت فى غرفة لوحدى بتطل على الحرم، خدتنى معاها عملنا عمرة 3 مرات، كانت بالنسبة لى الدينا".
![صور عائلية للراحلة رجاء الجداوى (6) صور عائلية للراحلة رجاء الجداوى (6)](https://img.youm7.com/ArticleImgs/2020/12/11/50768-صور-عائلية-للراحلة-رجاء-الجداوى-(6).jpg)
صور عائلية للراحلة رجاء الجداوى
تم أضافة تعليقك سوف يظهر بعد المراجعة