خطفت الأنظار إليها أثناء تغطية حفل افتتاح وختام مهرجان القاهرة السينمائى في دورته الـ42، هى الإعلامية نهى عبد العزيز، حيث تحدثت عن تجربتها مع المهرجان، وقالت لـ"اليوم السابع": "وقت المهرجان كلنا حضرنا كويس أوى وحضرنا الأسئلة، واجتهدنا والحمد لله ظهرنا بمظهر لائق على قناة dmc، وأنا إنسانة طبيعية جدا، ومش بمثل اللى مبسوط منى كتر ألف خيره، وبحاول أتحسن واجتهد وأقدم كل حاجة تليق بالقناة اللى بشتغل فيها".
وأضافت نهى: "تقديمى برنامج السفيرة عزيزة على قناة dmc، بحس إنى وسط بيتى وكل اللى بيشتعل معايا عيلتى وأسرتى التانية، وعلاقتى بزميلاتى كلها علاقة صداقة وحب وأصبحنا بالفعل أسرة واحدة، والمشاهدين يلاحظوا ذلك عند مشاهدة البرنامج".
وعن أمنيتها فى العام الجديدة، قائلة: "بتمنى السنة الجاية تكون أحسن ومش متضايقة من 2020 بالعكس كان فيه ترابط أسرى أكتر، وعملت حاجات كتير مع أولادى وقعدت معاهم أكتر بدل ما كان كل يوم شغل وبقيت كل يوم بعمل كيكة".
ويعرض برنامج "السفيرة عزيزة" من السبت للأربعاء، الساعة الثالثة مساءً، على شاشة "dmc".ويتنوع ضيوفه بين مجموعة من الفنانات اللاتي يتحدثن عن مشوارهم الفني، وكفاحهم، وتجاربهم في الحياة، كما يستضيف استشاريين صحة وتغذية، واستشاريين طب أطفال ومناعة، وسيدات مدافعات عن حقوق المرأة، وكل ما يتعلق بشئون المرأة والأسرة، ويسلط الضوء أيضا عن قصص السيدات المكافحات.
