قالت النجمة الكبيرة يسرا: "أنا بحب السهر وأخرج وأشوف أصحابى، وجوزى ملهوش علاقة بالخروج خالص لكن بيستنانى حتى لو التصوير طول للفجر أو للصبح".
وأضافت يسرا، خلال لقائها المسجل قبل إصابتها بفيروس كورونا في برنامج "الدوبلكس" تقديم أبلة فاهيتا، المذاع على قناة ON: "أنا بخاف على جوزى من الحسد لأنه ملهوش زى، أنا حتى خايفة أحسد نفسى عليه وربنا يخليه ليا".
وتابعت: "أنا أعرفه من واحنا عيال صغيرة عندنا 7 سنين وبعدين اختفى وأنا اختفيت وهو سافر بره وعاش 20 سنة واتجوز وطلق ورجع، وأنا قفشته بقى واتجوزنا بقالنا 25 سنة".
![يسرا من حلقة ابلة فاهيتا يسرا من حلقة ابلة فاهيتا](https://img.youm7.com/ArticleImgs/2020/12/26/117480-يسرا-من-حلقة-ابلة-فاهيتا.jpg)
يسرا من حلقة ابلة فاهيتا
![الفنانة يسرا الفنانة يسرا](https://img.youm7.com/ArticleImgs/2020/12/26/121587-الفنانة-يسرا.jpg)
الفنانة يسرا
![النجمة يسرا النجمة يسرا](https://img.youm7.com/ArticleImgs/2020/12/26/169588-النجمة-يسرا.jpg)
النجمة يسرا
![يسرا مع ابلة فاهيتا يسرا مع ابلة فاهيتا](https://img.youm7.com/ArticleImgs/2020/12/26/164433-يسرا-مع-ابلة-فاهيتا.jpg)
يسرا مع ابلة فاهيتا
![يسرا وكارو يسرا وكارو](https://img.youm7.com/ArticleImgs/2020/12/26/144655-يسرا-وكارو.jpg)
يسرا وكارو
وكانت النجمة يسرا قالت لـ"اليوم السابع"، إنها أصيبت بالفعل بفيروس كورونا، وإنها تخضع للعلاج حاليًا، مضيفة: "مش قادرة أتكلم"، ووجهت حديثها للجمهور، قائلة: "بشكر كل الناس اللى بتسأل عليا، وكل الدكاترة اللى بيعملولى كل حاجة، وبشكر وزارة الصحة على مجهودها الكبير، وبشكر كل زملائى وأصدقائى داخل مصر وخارجها اللى سألوا عليّا، وبشكر كل الناس، ربنا يخليكم ليا، ومايحرمنيش منكم أبدا".
استقر صناع مسلسل يسرا الجديد على اسم مبدئى للعمل وهو "حرب أهلية"، إخراج سامح عبد العزيز، حيث يجرى الأخير فى تحضيراته النهائية ومعاينة أماكن التصوير، وتأجيل موعد انطلاق التصوير حتى تتعافى يسرا من فيروس كورونا التى أصيبت به، حيث كان من المقرر انطلاق التصوير بعد أسبوع فى الديكور الخاص بالعمل.
كما بدأت يسرا على مدار الفترة الماضية تصوير مشاهدها الأولى من فيلمها الجديد "ليلة العيد"، للمخرج سامح عبد العزيز وتأليف أحمد عبد الله، فى ديكور الحارة بمدينة الإنتاج الإعلامى.
تم أضافة تعليقك سوف يظهر بعد المراجعة