لقاء رومانسى.. جومانة مراد عن ظهورها الدائم مع زوجها: "من غيره ما ببقاش مرتاحة"

رصدت كاميرا تليفزيون اليوم السابع، السجادة الحمراء الخاصة بالفيلم المصرى "عنها" للمخرج إسلام العزازى فى اليوم السابع من مهرجان القاهرة السينمائى الدولى فى الدورة 42 المقام بدار الأوبرا المصرية، كما حضر جميع صناع الفيلم.

وأجرت الزميلة شروق وجدى لقاء مع الفنانة جومانة مراد وزوجها لتليفزيون اليوم السابع، أثناء حضورها على السجادة الحمراء لفيلم عنها.

وفى بداية اللقاء وعن ظهور جومانة بصحبة زوجها المحامي الأردني ربيع بسيسو، دائما في المهرجانات والأحداث الفنية، قالت: "بصراحة أنا لما بنزل لوحدى مببقاش مرتاحة لما هو بيبقى جمبى بحس إحساس تانى الصراحة.. الطبطبة والكهربا".

وأضافت جومانة خلال اللقاء: "أنا كان نفسى أحضر أفلام تانية كتير كمان، بس أنا قولتلك كنت تعبانة من بعد الافتتاح والنهاردة أول مرة أنزل، وجايين علشان نبارك لدينا فاروق وإسلام عزازى، والفيلم بيتكلم عن المرأة وداعم للمرأة فأكيد أنا نفسى أشوفه متحمسة وإن شاء الله يبقى حاجة حلوة إن شاء الله. "

وعن تواجده الدائم مع جومانة قال زوجها المحامي الأردني ربيع بسيسو: "وجودى جمبها أهم.. كل زوج لازم يكون داعم لزوجته والعكس.. الحياة كده" ، بحضر معاها لما الظروف بتبقى صعبة".

وأضافت جومانة: "هو دايما بيدعمنى ودايما واقف معايا ودايما في ضهرى ربنا يخليه ليا يا رب"

وتابعت جومانة خلال اللقاء: "حاليًا في حاجات كتير أنا بحضرلها وحاجات كتير بقراها بس لسه مقررتش، ونفسنا نسافر طبعًا ومخططين نروح لندن علشان عشنا فترة هناك.. وفى السنة الجديدة لسا مخططناش بس ممكن نبقى في البيت عادى المهم نبقى مع بعض".

ووجهت الفنانة في ختام حديثها رسالة لتليفزيون اليوم السابع قائلة: "أنا بحب اليوم السابع أوى أوى أوى وهم حبايبى كلهم فأكيد بتمنالكم النجاح الدائم والتميز الدائم، أنا بحبكم من كل قلبى".

كما تحدثت جومانة عن إطلالتها وإطلالة زوجها ومصمم الأزياء الخاص بهم.