صدر حديثًا عن دار تويا للنشر والتوزيع، كتاب جديد تحت عنوان "القانون لا يحمى المغلفين" للكاتبة رشا صبرى، وتقول الكاتبة فى مقدمه كتابها: "بعد نجاح تجربتى الأولى كتاب قانون حواء واللى كان بيناقش كل القوانين اللى تخص الستات ويعرفها أزاى تأخذ حقها فى المجتمع من غير ما تستقوى على حد وفى نفس الوقت محدش يقدر يستقوى عليها قررت اكرر التجربة بس المرة دى اتكلم ع القانون فى كل مجالاته وأزاى المواطن المصرى راجل أو ست يعرف حقوقه وأزاى يعرف يتصرف لو واجه أى مشكله قانونية فى حياته اليومية والأهم يبقى عنده ثقافه قانونية تعرفه اللى ليه واللى عليه".
غلاف الكتاب
وجاء على غلاف الكتاب : القانون لايحمي المغفلين جمله صحيحة بشكل كبير عشان الجهل بالقانون مش عذر ومش هيعفيك من المسئولية، كلنا مغفلين ومفيش حد كبير أنه يتعلم وانطلاقا من مبدأ الوقاية خير من العلاج قلت في الكتاب عن كل حاجه ممكن تقابلك فى حياتك اليومية هاعرفك الخطوات القانونية لأة مشكله ممكن تقابلك وهاقولك كمان أزاى تعرف النصاب قبل ما تتورط معاه وهتعرف معلومات قانونية تعرفها لأول مرة وحقوقك وحقوق ولادك فى الدستور هتعرف أزاى تخلص أوراقك من غير محامى، وتعرف حقوقك وواجباتك وكل ده مكتوب بالعامية وبطريقه مبسطه وسهله جدًا، ومتخترش تلعب دور المغفل فى رواية أحدهم خليك دايما واعى وفاهم اللى ليك واللى عليك ، وبرغم أن فى حالات قليلة القانون بيحمي فيها المغفلين بس ده مش مبرر يخليك تقع فى الغلط، وفكره الكتاب بيقدم نصايح ومعلومات قانونية بالعامية لكل المشاكل اللة ممكن تقابلك فة حياتك اليومية، وكمان بيفهم المواطن المصطلحات القانونية المعقدة بشكل بسيط، ولكتاب بيقدم جرعه قانونية مكثفه بشكل مبسط.
تم أضافة تعليقك سوف يظهر بعد المراجعة